യാങ്കോന്‍: റാഖൈനില്‍ റോഹിംഗ്യകള്‍ക്കെതിരേയുണ്ടായ മ്യാന്‍മര്‍ സൈനിക നേതൃത്വത്തിലെ ആക്രമണങ്ങളെ അപലപിച്ച് യു.എന്‍ മനുഷ്യാവകാശ സംഘടന.
അരാക്കന്‍ വിമതര്‍ക്കെതിരേയുള്ള നീക്കമെന്ന പേരില്‍ തെക്കന്‍ ബുതിഡ്വാങ്ങിലാണ് മ്യാന്‍മര്‍ സൈന്യം രണ്ട് ഹെലികോപ്റ്റിലൂടെയാണ് ബുധനാഴ്ച ആക്രമണം നടത്തിയത്. സംഭവത്തില്‍ ഏഴ് പേര്‍ കൊല്ലപ്പെട്ടിരുന്നു. കന്നുകാലികള്‍, നെല്‍പ്പാടങ്ങള്‍ എന്നിവയും ആക്രമണത്തില്‍ നശിച്ചിരുന്നു. സൈന്യം സിവിലിന്മാരെ കൊലപ്പെടുത്തിയെന്നും വീടുകള്‍ അഗ്നിക്കിരയാക്കിയെന്നും വിശ്വാസ യോഗ്യമായ തെളിവുകളുണ്ടെന്ന് യു.എന്‍ മനുഷ്യാവകാശ വിഭാഗം വക്താവ് റവീന ഷംദസാനി പറഞ്ഞു. റോഹിംഗ്യന്‍ അഭയാര്‍ഥികള്‍ താമസിക്കുന്ന പ്രദേശത്താണ് ആക്രമണം നടത്തിയത്. സൈനിക ആക്രമണത്തെ തുടര്‍ന്ന് 20000 പേരെ മാറ്റിത്താമസിപ്പിച്ചു.