അരീക്കോട്: എടശ്ശേരിക്കടവില്‍ ചാലിയാര്‍ പുഴയില്‍ ചാടിയ യുവാവിനെ കണ്ടെത്താനായില്ല. ഞായറാഴ്ച രാത്രി 10.30നാണ് ചീക്കോട് വെട്ടുപാറ സ്വദേശി അരുണ്‍ (23) കൂട്ടുകാരുമായി സംസാരിച്ച് കൊണ്ടിരിക്കെ എടശ്ശേരിക്കടവ് പാലത്തിന് മുകളില്‍നിന്നു പുഴയിലേക്ക് ചാടിയത്.
മുക്കം ഫയര്‍ഫോഴ്‌സും മുങ്ങല്‍ വിദഗ്ധരും ട്രോമ കെയര്‍ വളണ്ടിയര്‍മാരും നാട്ടുകാരും ചേര്‍ന്നാണ് തെരച്ചില്‍ നടത്തുന്നത്. കൊണ്ടോട്ടി തഹസില്‍ദാര്‍ കെ. ദേവകി സ്ഥലത്തത്തി. ഇന്ന് നേവിയുടെ പ്രത്യേകസംഘം തെരച്ചിലിന് എത്തുമെന്ന കൊണ്ടോട്ടി തഹസില്‍ദാര്‍ പറഞ്ഞു. വാഴക്കാട് അരീക്കോട് പൊലിസും സ്ഥലത്ത് ക്യാംപ് ചെയ്യുന്നുണ്ട്. ശക്തമായ ഒഴുക്കാണ് തെരച്ചിലിനെ പ്രയാസപ്പെടുത്തുന്നത്.