മലപ്പുറം: ജില്ലാ ടൂറിസം പ്രമോഷന്‍ കൗണ്‍സിലിന്റെ നേതൃത്വത്തില്‍ നടത്തുന്ന രണ്ടാമതു ഗോകുലം മഡ്‌ബോള്‍ ' മഡ്മസ'  ടൂര്‍ണമെന്റ് ഇന്നും നാളെയും വെസ്റ്റ് കോഡൂര്‍ ഗ്രൗണ്ടില്‍ നടക്കും. ലഹരിവിരുദ്ധ സന്ദേശമുയര്‍ത്തിയാണ് ഇത്തവണ മത്സരം നടത്തുന്നത്.  യുവാക്കളുടെ ക്രിയാത്മകത  കായിക രംഗത്ത് ഉപയോഗിച്ച് ലഹരിയെ ചെറുക്കക എന്ന ലക്ഷ്യത്തോടെയാണു മത്സരം നടത്തുന്നത്. മത്സരം  ഇന്ന് രാവിലെ ഒമ്പതിന് എക്‌സൈസ് കമ്മീഷനര്‍ ഋഷിരാജ് സിംഗ് ഉദ്ഘാടനം ചെയ്യും. സംസ്ഥാന താരങ്ങള്‍ അടക്കമുള്ളവര്‍ പങ്കെടുക്കുന്ന 24 ടീമുകളാണു മത്സരത്തില്‍ പങ്കെടുക്കുന്നത്.