എരുമപ്പെട്ടി: വേലൂര്‍ ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ സ്ഥാപിച്ചിരുന്ന ഫുട്‌ബോള്‍ ഗോള്‍ പോസ്റ്റ്കളും വലകളും സാമൂഹ്യ വിരുദ്ധര്‍ നശിപ്പിച്ചു.
വേലൂര്‍ സൗഹൃദ കൂട്ടായ്മ സംഘടിപ്പിച്ച സെവന്‍സ് ഫുട് ബോള്‍ മത്സരത്തിന് വേണ്ടി സ്ഥാപിച്ചിരുന്നതായിരുന്നു പുതിയ പോസ്റ്റുകളും  വലകളും ഇന്നലെ ഉദ്ഘാടന മത്സരം കഴിഞ്ഞതിന് ശേഷമാണ് സാമൂഹ്യ വിരുദ്ധര്‍ അക്രമം നടത്തിയിട്ടുള്ളത്. പോസ്റ്റുകളും വലകളും ഗ്രൗണ്ടിലെ ആള്‍മറയില്ലാത്ത കിണറ്റിലിട്ടിരിക്കുകയാണ്. സംഭവത്തില്‍ വ്യാപക പ്രതിഷേധം ഉയര്‍ന്നിട്ടുണ്ട്. ജനപ്രതിനിധികള്‍ സ്ഥലം സന്ദര്‍ശിച്ചു. എരുമപ്പെട്ടി പൊലിസ് അന്വേഷണം ആരംഭിച്ചു. ഗ്രൗണ്ടിന് സമീപമുള്ള ബാങ്കിലെ നിരീക്ഷണ ക്യാമറ പൊലിസ് പരിശോധിക്കും.