കോട്ടയം: പെമ്പിളൈ ഒരുമൈ പ്രവര്‍ത്തകര്‍ക്കെതിരേ മോശമായ പരാമര്‍ശം നടത്തിയ മന്ത്രി എം.എം മണി രാജിവക്കണമെന്ന് കെ.പി.സി.സി ജനറല്‍ സെക്രട്ടറി ലതികാ സുഭാഷ്. രാജിവക്കാത്തപക്ഷം മണിയെ മുഖ്യമന്ത്രി മന്ത്രിസഭയില്‍നിന്ന് മാറ്റിനിര്‍ത്തണം. മണിക്കെതിരേ വനിതാ കമ്മിഷന് പരാതി നല്‍കുമെന്നും അവര്‍ കോട്ടയത്ത് വാര്‍ത്താസമ്മേളനത്തില്‍ പറഞ്ഞു.
സ്ത്രീകള്‍ക്കെതിരേ അപമാനകരമായ രീതിയില്‍ പ്രസ്താവന നടത്തിയത് ഉചിതമായില്ല. മന്ത്രിയാണെന്ന യാഥാര്‍ഥ്യംപോലും മറന്നാണ് പ്രസ്താവനകള്‍ നടത്തുന്നത്. മന്ത്രിക്കെതിരേ പ്രതിഷേധം നടത്തുന്ന പെമ്പിളൈ ഒരുമൈ പ്രവര്‍ത്തകരെ കാണാന്‍ മൂന്നാറില്‍ പോകുമെന്നും അവര്‍ പറഞ്ഞു.