കണ്ണൂര്‍: ലോകസഭാ മണ്ഡലം യു.ഡി.എഫ് സ്ഥാനാര്‍ഥി കെ. സുധാകരന്‍ ഇരിക്കൂര്‍ മണ്ഡലത്തിലും എല്‍ഡിഎഫ് സ്ഥാനാര്‍ഥി പി.കെ ശ്രീമതി മട്ടന്നൂരിലും പര്യടനം നടത്തി.
ഏരുവേശ്ശി, പയ്യാവൂര്‍, ഉളിക്കല്‍ പഞ്ചായത്തുകളിലായിരുന്നു സുധാകരന്റെ പര്യടനം. ചുണ്ടപ്പറമ്പില്‍ കെ.സി ജോസഫ് എം.എല്‍.എ പര്യടനം ഉദ്ഘാടനം ചെയ്തു. സ്ഥാനാര്‍ഥിയെ ത്രിവര്‍ണ ഷാള്‍ അണിയിച്ചും ഹാരമണിയിച്ചും പ്രവര്‍ത്തകര്‍ വരവേറ്റു. നൂറോളം ബൈക്കുകളില്‍ പ്രവര്‍ത്തകര്‍ സുധാകരന്റെ തുറന്ന വാഹനത്തെ അനുഗമിച്ചു. രാത്രി പേരട്ടയില്‍ പര്യടനം സമാപിച്ചു.
മട്ടന്നൂരിലെ 28 കേന്ദ്രങ്ങളിലായിരുന്നു ശ്രീമതിയുടെ പര്യടനം. കാര സ്‌കൂള്‍ പരിസരത്തുനിന്നാണ് പര്യടനം ആരംഭിച്ചത്. രാത്രി തെരൂര്‍ പാലയോട് സമാപിച്ചു. ഇന്നു ധര്‍മടത്താണു പര്യടനം.