കൊച്ചി: കൊച്ചിയില്‍ നടി ഷംനാ കാസിമിനെ ബ്ലാക്ക്‌മെയില്‍ ചെയ്യാന്‍ ശ്രമിച്ച കേസില്‍ പ്രതികളായവരെ ചോദ്യം ചെയ്തപ്പോള്‍ ഒരു ഡീല്‍ വുമണിന്റെ പേര് പരാമര്‍ശിക്കപ്പെട്ടിരുന്നു. എന്നാല്‍ ഇതുവരെ ഉയര്‍ന്നു കേള്‍ക്കാത്ത പ്രയോഗമായിരുന്നതിനാല്‍ പൊലിസിനെ അത്ഭുതപ്പെടുത്തിയ ഒരു പേരായിരുന്നു ഇത്.
എന്നാല്‍ നയതന്ത്ര സ്വര്‍ണക്കടത്തുകേസില്‍ സ്വപ്ന സുരേഷ് ആണ് പ്രധാന പ്രതിയെന്ന് വ്യക്തമായതോടെ ഷംന കാസിമിന്റെ കേസിലുയര്‍ന്ന ഡീല്‍ വുമണ്‍ ഇവര്‍തന്നെയാണെന്ന നിഗമനത്തിലാണ് പൊലിസ് വൃത്തങ്ങളെന്ന് സൂചന.
ഷംന കാസിം കേസിലെ പ്രതികള്‍ ഡീല്‍ വുമണിനെ കുറിച്ച് പൊലിസിനോട് വിശദീകരിച്ചപ്പോള്‍ അവര്‍ ഉന്നത ബന്ധമുള്ള നയതന്ത്ര ഉദ്യോഗസ്ഥയാണെന്നും തിരുവനന്തപുരത്താണെന്നും മൊഴി നല്‍കിയിരുന്നു.