തിരൂര്‍: പൊന്മുണ്ടം പഞ്ചായത്തിലെ ആറാം വാര്‍ഡില്‍ ഉള്‍പ്പെടുന്ന പാറമ്മല്‍ പ്രദേശത്തെ പൊതു ജല സ്രോതസുകള്‍ ചെളിയും മണ്ണും നീക്കി ഉപയോഗയോഗ്യമാക്കുന്നതിനുള്ള ശ്രമദാന പരിപാടിക്ക് യുവാക്കളുടെ നേതൃത്വത്തില്‍ തുടക്കമായി.
ജലത്തിന്റെ രൂക്ഷമായ ദൗര്‍ലഭ്യം കണക്കിലെടുത്ത് പൊന്മുണ്ടത്തെ യൂത്ത് വിങ് ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ് പ്രവര്‍ത്തകരാണ് ഇന്നലെ നവീകരണ പ്രവൃത്തിയ്ക്ക് തുടക്കമിട്ടത്. നെഹ്‌റു യുവകേന്ദ്ര താനൂര്‍ ബ്ലോക്ക് കോഡിനേറ്റര്‍ ശകീര്‍ പൊന്മുണ്ടം ക്ലബ് ഭാരവാഹികളായ അയൂബ് കുണ്ടില്‍, എം.കെ സുഹൈല്‍, സലീഖ്, ഖാലിദ്, കെ സുഹൈല്‍, കെ സഹീര്‍, ഷൗക്കത്ത്, സലാഹ്, മുസ്തഫ, ഹിഷാം, ഇഹ്‌സാന്‍ നേതൃത്വം നല്‍കി.