ലോര്‍ഡ്‌സ്: ഇംഗ്ലണ്ടിനെതിരായ ആദ്യ ടെസ്റ്റില്‍ പാകിസ്താന്‍ 339ന് പുറത്ത്. നായകന്‍ മിസ്ബ ഉള്‍ ഹക്ക് (114) നേടിയ സെഞ്ച്വറിയാണ് പാകിസ്താന് ഭേദപ്പെട്ട സ്‌കോര്‍ സമ്മാനിച്ചത്. രണ്ടാം ദിനം ആറിന് 282 എന്ന നിലയില്‍ ബാറ്റിങ് പുനരാരംഭിച്ച പാകിസ്താനെ സര്‍ഫ്രാസ് അഹമ്മദി(25)ന്റെ തട്ടുപൊളിപ്പന്‍ ബാറ്റിങാണ് 300 കടത്തിയത്. ഇംഗ്ലണ്ടിന് വേണ്ടി ആറു വിക്കറ്റെടുത്ത ക്രിസ് വോക്‌സ് മികച്ച പ്രകടനം നടത്തി. സ്റ്റ്യുവര്‍ട്ട് ബ്രോഡ് മൂന്നു വിക്കറ്റെടുത്തു.
മറുപടി ബാറ്റിങില്‍ ഒടുവില്‍ വിവരം കിട്ടുമ്പോള്‍ അഞ്ചിന് 176 എന്ന നിലയില്‍ തകര്‍ച്ചയെ നേരിടുകയാണ് ഇംഗ്ലണ്ട്. അലസ്റ്റര്‍ കുക്ക്(81)  ജോ റൂട്ട്(48) എന്നിവര്‍ നന്നായി കളിച്ചെങ്കിലും ബാക്കിയുള്ളവര്‍ നിരാശപ്പെടുത്തി. അലക്‌സ് ഹെയ്ല്‍സ്(6) വിന്‍സി(16) ബല്ലാന്‍സ്(6) എന്നിവരാണ് പുറത്തായ താരങ്ങള്‍. ജോണി ബെയര്‍‌സ്റ്റോ(23*) മോയിന്‍ അലി(5*) എന്നിവരാണ് ക്രീസില്‍.