കൊച്ചി: സ്വര്‍ണക്കടത്തു കേസില്‍ തിരുവനന്തപുരത്തെ കസ്റ്റംസ് ഹൗസ് ക്ലിയറന്‍സ് ഏജന്റ്‌സ് അസോസിയേഷന്‍ ഭാരവാഹി ഹരിരാജിനെ ചോദ്യം ചെയ്തു. കൊച്ചിയിലെ കസ്റ്റംസ് ഓഫിസിലേക്ക് വിളിച്ചുവരുത്തിയാണ് ഇയാളെ ഇന്നലെ ചോദ്യം ചെയ്തത്. സ്വര്‍ണം അടങ്ങിയ നയതന്ത്ര ബാഗേജ് വിട്ടുകിട്ടാനായി ഇയാള്‍ കസ്റ്റംസിനുമേല്‍ സമ്മര്‍ദം ചെലുത്തിയെന്നാണ് വിവരം. എന്നാല്‍ താന്‍ ഫോണ്‍ ചെയ്ത് ഇത്തരത്തില്‍ ആവശ്യപ്പെട്ടിട്ടില്ലെന്ന് ഹരിരാജ് മാധ്യമങ്ങളോട് പ്രതികരിച്ചു.