കാക്കനാട്: അഖില കേരള കരാട്ടെ ബ്ലാക്ക് ബെല്‍റ്റ് ടെസ്റ്റും ഗ്രേഡിങും ബുധാഴ്ച ചെമ്പ് മുക്ക് അസീസി വിദ്യാനികേതന്‍ സ്‌കൂളില്‍ നടത്തും.
ഹിന്ദ് ഷിറ്റോ റിയൂ കരാട്ടെ ഡു ഇന്റര്‍നാഷണലിന്റെ നേതൃത്വത്തിലാണ് ബ്ലാക്‌ബെല്‍റ്റ് ടെസ്റ്റ്.സംസ്ഥാനത്തിന്റെ വിവിധ  ഭാഗങ്ങളില്‍ 250 പേര്‍ ബ്ലാക്ക് ബെല്‍റ്റില്‍ പങ്കെടുക്കും.മത്സരാര്‍ഥികളില്‍ ഭൂരിഭാഗവും വനിതകളും കുട്ടികളുമാണ്. ആറ് മുതല്‍ 58 വയസുവരെയുള്ളവരാണ് ടെസ്റ്റില്‍ അണിനിരക്കുക.  വൈകിട്ട് മൂന്നിന് സമാപന സമ്മേളനം തൃക്കാക്കര നഗരസഭ അധ്യക്ഷ കെ.കെ.നീനു ഉദ്ഘാടനം ചെയ്യും. ഹിന്ദ് ഷിറ്റോ റീയൂ കരാട്ടെ ഡു ഇന്റര്‍നാഷണല്‍ ഇന്ത്യന്‍ ചീഫ് മാത്യു പോള്‍ അധ്യക്ഷത വഹിക്കും.
രാജ്യാന്തര കരാട്ടെ റഫ്രീയായി തെരഞ്ഞെടുക്കപ്പെട്ട ഷിഹാന്‍ അല്‍താഫ് അലാമിനെ ചടങ്ങില്‍ ആദരിക്കും. അസീസി സ്‌പോര്‍ട് അക്കാദമി നേതൃത്വത്തില്‍ വനിതകള്‍ക്കായി നടത്തുന്ന ഒരു വര്‍ഷം നീണ്ട് നില്‍ക്കുന്ന സൗജന്യ കരാട്ടെ സെല്‍ഫ്ഡിഫന്‍സ് പരിശീലന പരിപാടിയുടെ ഉദ്ഘാടനവും ചടങ്ങില്‍ നടത്തുമെന്ന് ഹിന്ദ് ഷിറ്റോ റിയൂ ടെക്‌നിക്കല്‍ ഡയറക്ടര്‍ ബി.അനില്‍ കുമാറും ദേശീയ കോച്ച് എ.സുമയും പറഞ്ഞു.