ചിറ്റുര്‍: കേരള വാട്ടര്‍ അതോറിറ്റിയു പുഴപ്പാലം തടയണയിലെ വെള്ളത്തില്‍ ദുര്‍ഗന്ധം വമിക്കുന്നതായി നാട്ടുകാരുടെ പരാതിയെ തുടര്‍ന്ന് വെള്ളം തുറന്നു വിട്ടു. ഇന്നലെ രാവിലെ ഒന്‍പതു മുതല്‍ ഇവിടെനിന്നും തത്തമംഗലം പുതുനഗരം ,കൊടുവായൂര്‍ ഭാഗത്തേക്കുള്ള പമ്പിങ്ങ് താല്‍ക്കാലികമായി നിര്‍ത്തിവച്ചു.സംസ്ഥാന ജലവിഭവ വകുപ്പു മന്ത്രി കെ. കൃഷ്ണന്‍കുട്ടി തടയണ ജലം പ്രാഥമിക അന്വേഷണ ത്തിനു ശേഷമാണ് തടയണ ഷട്ടറുകള്‍ തുറന്ന് ചീഞ്ഞജലം പുഴയിലേക്ക് ഇറക്കിയത്. ഇന്നലെ വൈകുന്നേരത്തോടെ തടയണ വെള്ളം കുറഞ്ഞതോടെ കുന്ദംകാട്ടു പതിയില്‍നിന്ന് പുഴയിലേക്കു വെള്ളം തുറന്നുവിട്ടു.
ഇന്നലെ പകല്‍ പമ്പിങ് മുടങ്ങിയതിനാല്‍ ഇന്നു രാവിലെ പുഴപ്പാലത്തി നു പടിഞ്ഞാറു ഭാഗത്തേക്ക് കുടിവെള്ള വിതരണം ഭാഗികമായി തടസപ്പെടിനിടയുണ്ടെന്ന് വാട്ടര്‍ അതോറിറ്റി അസിസ്റ്റന്റ് എന്‍ജിനിയര്‍ അറിയിച്ചു.
വെള്ളത്തില്‍ പായല്‍മൂടിയതാണ് ദുര്‍ഗന്ധമുണ്ടാകാന്‍ കാരണമെന്ന് അധികൃതര്‍ വെളിപ്പെടുത്തി. ഇന്നു കാലത്ത് മുതല്‍ പമ്പിങ്ങ് പുനരാരംഭിക്കാന്‍ കഴിയുമെന്നാണ് പ്രതീക്ഷിക്കുന്നത്. രണ്ടു വര്‍ഷം മുന്‍പും സമാനമായ രീതിയില്‍ കുടിവെള്ളത്തിന് ദുര്‍ഗ ന്ധം ഉണ്ടാവുകയും അന്നത്തെ ജില്ലാ കലക്ടര്‍ സ്ഥലത്തെത്തി ജലവിതരണം നിര്‍ത്തിവെക്കാന്‍ ആവശ്യപ്പെട്ടിരുന്നു. സാമൂഹ്യ വിരുദ്ധര്‍ രാത്രി സമയങ്ങളി ല്‍ ഇറച്ചി മാലിന്യം നിക്ഷേപിച്ചതാണ് വെള്ളം മാലിനമാവാന്‍ കാരണമെന്ന് കണ്ടെത്തിയിരുന്നു. ഇതിനെ തുടര്‍ന്ന് ചിറ്റൂര്‍ തത്തമംഗലം നഗരസഭ എം.എല്‍.എ ഫണ്ട് പത്ത് ലക്ഷം ചിലവഴിച്ച് പാലത്തില്‍ ഇരു വശത്തും വലകെട്ടി മാലിന്യ നിക്ഷേപം തടയാന്‍ നടപടി എടുത്തിരുന്നു.കൂടാതെ പാലത്തില്‍ സോളാര്‍ ലാമ്പുകളും കാമറകളും സ്ഥാപിച്ചിരുന്നു.