കൊച്ചി:കളമശ്ശേരി മെഡിക്കല്‍ കോളജിനെ തകര്‍ക്കാന്‍ ചിലര്‍ ബോധപൂര്‍വം ശ്രമം നടത്തുന്നതായി എസ്.ഡി.പി.ഐ. മെഡിക്കല്‍ കോളജില്‍ ചികിത്സാ പിഴവിനെ തുടര്‍ന്ന് മരണങ്ങള്‍ തുടരുന്ന പശ്ചാത്തലത്തില്‍ ഉത്തരവാദികളെ അറസ്റ്റ് ചെയ്യണം.
സമീപത്തെ സ്വകാര്യ ആശുപത്രിയെ സഹായിക്കാനാണ് ചിലരുടെ ശ്രമം. മെഡിക്കല്‍ വിദ്യാര്‍ഥിനി ഷംനയുടെള്‍പ്പെടെ നിരവധി  പേരാണ് മെഡിക്കല്‍ കോളെജില്‍ ദുരൂഹ സാഹചര്യത്തില്‍ മരിക്കാനിടയായത്. ഇതില്‍ നീതി നടപ്പാക്കണമെന്നാവശ്യപ്പെട്ട് പ്രക്ഷോഭം ശക്തമാക്കുമെന്നും ഭാരവാഹികള്‍ പറഞ്ഞു.വാര്‍ത്താസമ്മേളനത്തില്‍  എസ്.ഡി.പി.ഐ ജില്ലാ പ്രസിഡന്റെ് പി.പി  മൊയ്തീന്‍ കുഞ്ഞ്, ജനറല്‍ സെക്രട്ടറി ഫൈസര്‍ പറവൂര്‍, സുല്‍ഫിക്കര്‍ അലി തുടങ്ങിയവര്‍ പങ്കെടുത്തു.