കുമ്പള: ഭര്‍തൃവീട്ടുകാര്‍ ദേഹത്ത് മണ്ണെണ്ണയൊഴിച്ചു തീ കൊളുത്തി കൊല്ലാന്‍ ശ്രമിച്ചതായി പരാതി. പൊള്ളലേറ്റ യുവതിയെ കുമ്പള ജില്ലാ സഹകരണാശുപത്രിയില്‍ പ്രവേശിപ്പിച്ചു.
കുമ്പള ഷിറിയയിലെ ഫാത്തിമത്ത് ഷഹാന(27)യെയാണ് ആശുപത്രിയില്‍ പ്രവേശിപ്പിച്ചിരിക്കുന്നത്. ഭര്‍തൃവീട്ടുകാരുടെ നിരന്തര പീഡനത്തെ ചോദ്യം ചെയ്തതിനാണു തന്നെ അപായപ്പെടുത്താന്‍ ശ്രമിച്ചതെന്നാണ് യുവതി പറയുന്നത്.
മഞ്ചേശ്വരം അരിമലയിലെ മുസമ്മിലുമായുള്ള ഇവരുടെ വിവാഹം നടന്നത് 2009ല്‍ ആയിരുന്നു. നാലും ആറും വയസുള്ള മക്കളെയും തന്നെയും ഭര്‍ത്താവും ഭര്‍ത്തൃമാതാവും ചേര്‍ന്ന് നിരന്തരം പീഡിപ്പിക്കാന്‍ തുടങ്ങിയിട്ട് ഏറെ കാലമായെന്ന് യുവതി പറയുന്നു.