കണ്ണൂര്‍: പാഠ്യപദ്ധതി പരിഷ്‌കരണത്തിന്റെ ഭാഗമായി സമസ്തകേരള ഇസ്‌ലാം മതവിദ്യാഭ്യാസ ബോര്‍ഡിന്റെ അംഗീകൃത മദ്‌റസകളിലെ മുഅല്ലിംകള്‍ക്കുള്ള പരിശീലനത്തിന്റെ സംസ്ഥാനതല ഉദ്ഘാടനം ഇന്നു രാവിലെ 8.30ന് പാപ്പിനിശ്ശേരി പഴഞ്ചിറ ഹിദായത്തുല്‍ ഇസ്‌ലാം മദ്‌റസയില്‍ നടക്കും. സമസ്ത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍ ഉദ്ഘാടനം ചെയ്യും.
സമസ്ത കേന്ദ്ര സെക്രട്ടറി പി.പി ഉമര്‍ മുസ്‌ലിയാര്‍ അധ്യക്ഷനാകും.സമസ്ത വിദ്യാഭ്യാസ ബോര്‍ഡ് മാനേജര്‍ കെ.മോയിന്‍കുട്ടി മുഖ്യപ്രഭാഷണം നടത്തും.മാണിയൂര്‍ അബ്ദുറഹ്മാന്‍ ഫൈസി, അബ്ദുസമദ് മുട്ടം, കെ.പി.പി തങ്ങള്‍, എസ്.കെ ഹംസ ഹാജി, എ.കെ അബ്ദുല്‍ ബാഖി, ശരീഫ് ബാഖവി, ഇബ്രാഹിം ബാഖവി പൊന്ന്യം, അഫ്‌സല്‍ രാമന്തളി, റിയാസ് ശാദുലിപ്പള്ളി, യൂസഫ് ബാഖവി, ഹക്കീം ഹാജി, നിയാസ് അസ്അദി പങ്കെടുക്കും.
പാഠ്യപദ്ധതി പരിഷ്‌കരണത്തിന്റെ ഭാഗമായി ഈവര്‍ഷം ആറ്, ഏഴ് ക്ലാസുകളിലെ പാഠപുസ്തകങ്ങളാണു മാറിയിട്ടുള്ളത്.429 റെയിഞ്ചുകള്‍ കേന്ദ്രീകരിച്ച് ഒരുലക്ഷത്തോളം മുഅല്ലിംകള്‍ക്കാണു പരിശീലനം നല്‍കുന്നത്.31നകം പരിശീലനം പൂര്‍ത്തിയാവും. പരിശീലനത്തിനു മുഫത്തിശുമാരും മുദരിബുമാരും നേതൃത്വം നല്‍കും.