കാസര്‍കോട്: ഇടുക്കിയിലേക്ക് സ്ഥലംമാറ്റം ലഭിച്ച കാസര്‍കോട് ജില്ലാ കലക്ടര്‍ കെ. ജീവന്‍ബാബുവിന് ജില്ലാ ആസൂത്രണ സമിതിയും കലക്ടറേറ്റ് സ്റ്റാഫ് കൗണ്‍സിലും യാത്രയയപ്പു നല്‍കി. ജില്ലാ ആസൂത്രണ സമിതി ഹാളില്‍ ചേര്‍ന്ന യോഗത്തില്‍ ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ അധ്യക്ഷനായി. എം.എല്‍.എമാരായ എന്‍.എ നെല്ലിക്കുന്ന്, പി.ബി അബ്ദുള്‍ റസാഖ്, കെ. കുഞ്ഞിരാമന്‍, വിവിധ ജനപ്രതിനിധികള്‍ തുടങ്ങിയവര്‍ സംബന്ധിച്ചു.
ജില്ലാ പഞ്ചായത്തിന്റെ ഉപഹാരവും അദ്ദേഹം ഏറ്റുവാങ്ങി. വൈകുന്നേരം കലക്ടറേറ്റില്‍ നടന്ന യാത്രയയപ്പ് സമ്മേളനം എന്‍.എ നെല്ലിക്കുന്ന് എം.എല്‍.എ ഉദ്ഘാടനം ചെയ്തു. എ.ഡി.എം എന്‍. ദേവീദാസ് അധ്യക്ഷനായി. ആര്‍.ഡി.ഒമാരായ സി. ബിജു, അബ്ദുസമദ്, ഡെപ്യൂട്ടി കലക്ടര്‍മാരായ കെ. രവികുമാര്‍, കെ. ജയലക്ഷ്മി, ജില്ലാ ഇന്‍ഫര്‍മേഷന്‍ ഓഫിസര്‍ ഇ.വി സുഗതന്‍, എന്‍.ഐ.സി ജില്ലാ മേധാവി കെ. രാജന്‍, ഫിനാന്‍സ് ഓഫിസര്‍ കെ. സതീശന്‍, വിവിധ വകുപ്പുകളുടെ ജില്ലാ മേധാവികള്‍ തുടങ്ങിയവര്‍ സംബന്ധിച്ചു. സ്റ്റാഫ് കൗണ്‍സിലിന്റെ ഉപഹാരവും അദ്ദേഹം ഏറ്റുവാങ്ങി.