എടച്ചേരി: ഈമാസം 20ന് ഓര്‍ക്കാട്ടേരിയില്‍ നടക്കുന്ന റെയ്ഞ്ച് മദ്‌റസാ മാനേജ്‌മെന്റ് അസോസിയേഷന്‍ ഓഫിസിന്റെ ഉദ്ഘാടനത്തോടനുബന്ധിച്ചുള്ള ഒരുക്കങ്ങള്‍ പുരോഗമിക്കുന്നു. വൈകിട്ട് നാലിന് നടക്കുന്ന പരിപാടിയില്‍ ഓഫിസിന്റെ ഉദ്ഘാടനം പാണക്കാട് സയ്യിദ് റഷീദലി ശിഹാബ് തങ്ങള്‍ നിര്‍വഹിക്കും. പൊതുസമ്മേളനത്തില്‍ മുല്ലപ്പള്ളി രാമചന്ദ്രന്‍ എം.പി, പാറക്കല്‍ അബ്ദുല്ല എം.എല്‍.എ, സി.കെ നാണു എം.എല്‍.എ, ഏറാമല പഞ്ചായത്ത് പ്രസിഡന്റ് എം.കെ ഭാസ്‌കരന്‍, ഉമര്‍ മൗലവി വയനാട്,ബാവ ജീറാനി സംസാരിക്കും. തുടര്‍ന്ന് രാത്രി ഏഴിന് മുസ്തഫ ഹുദവി ആക്കോടിന്റെ പ്രഭാഷണവും നടക്കും.
ഇതിനോടനുബന്ധിച്ച് 101 അംഗ സ്വാഗതസംഘം രൂപീകരിച്ചു. ഭാരവാഹികള്‍: സയ്യിദ് ഹൈദ്രോസ് തുറാബ് തങ്ങള്‍ (ചെയര്‍മാന്‍), നാസര്‍ എടച്ചേരി (ജനറല്‍ കണ്‍വീനര്‍), എം.കെ യൂസഫ് ഹാജി (ട്രഷറര്‍). രക്ഷാധികാരികള്‍: ടി.കെ അഹമ്മദ് മാസ്റ്റര്‍, കോമത്ത് അബുബക്കര്‍ ഹാജി, എ.വി അബൂബക്കര്‍ മൗലവി, എ.കെ ബീരാന്‍ ഹാജി, എന്‍.കെ കുഞ്ഞബ്ദുല്ല ഹാജി, ക്രസന്റ് അബ്ദുല്ല, സ്വാലിഹ് ഫൈസി, കുഞ്ഞമ്മദ് മാസ്റ്റര്‍ വള്ളിക്കാട്, തൈക്കണ്ടി കുഞ്ഞബ്ദുല്ല മുസ്‌ലിയാര്‍. മറ്റു ഭാരവാഹികള്‍: മുഹ്‌യുദ്ദീന്‍ ഫൈസി, ഓരാട്ട് ഇബ്രാഹിം ഹാജി, കാവില്‍ ബഷീര്‍, വി.പി അശ്‌റഫ് ഒഞ്ചിയം (വൈ. ചെയര്‍മാന്‍), എം.പി ജബ്ബാര്‍ മൗലവി, ഹാരിസ് റഹ്മാനി, ചേനാണ്ടി ഗഫൂര്‍, അസ്ഹര്‍ മാസ്റ്റര്‍, തയ്യുള്ളതില്‍ കുഞ്ഞബ്ദുല്ല (ജോ. കണ്‍വീനര്‍).