കിണാശ്ശേരി: കിണാശ്ശേരി ഒലീവ് ഇംഗ്ലീഷ് സ്‌കൂളിന്റെ ആഭിമുഖ്യത്തില്‍ സംഘടിപ്പിച്ച 'ടെലസ്റ്റാര്‍ 2018' മിനി വേള്‍ഡ് കപ്പ് ടൂര്‍ണമെന്റില്‍ ഫ്രാന്‍സ് ടീം ജേതാക്കളായി. സ്‌കൂളിലെ വിദ്യാര്‍ഥികള്‍ക്കായി പി.ടി.എ, അധ്യാപക സഹകരണത്തോടെ സംഘടിപ്പിച്ച ടൂര്‍ണമെന്റ് ആവേശം നിറക്കുന്നതായിരുന്നു. ജര്‍മനി, ബ്രസീല്‍, ഫ്രാന്‍സ്, പോര്‍ച്ചുഗല്‍, അര്‍ജന്റീന, സ്‌പെയിന്‍ എന്നീ ആറ് ടീമുകളായി തിരിഞ്ഞായിരുന്നു മത്സരം സംഘടിപ്പിച്ചത്. സ്‌കൂള്‍ കായികധ്യാപകനും മുന്‍ സംസ്ഥാന ഹോക്കി ടീം അംഗം സാബിത്ത്, ഗണിതാധ്യാപകന്‍ ആഷിക്ക് എന്നിവര്‍ നേതൃത്വം നല്‍കിയ ടൂര്‍ണമെന്റില്‍ ഫ്രാന്‍സ് അര്‍ജന്റീന ടീമുകള്‍ ഫൈനല്‍ റൗണ്ടില്‍ ഏറ്റുമുട്ടുകയും ഒന്നിനെതിരേ രണ്ട് ഗോളുകള്‍ക്ക് ഫ്രാന്‍സ് ജേതാക്കളാവുകയും ചെയ്തു.