കൊണ്ടോട്ടി: കരിപ്പൂരില്‍ നിന്ന് ഇന്നലെ യു.എ.ഇയിലേക്ക് യാത്രക്കാരുമായി പറന്നത് രണ്ട് വിമാനങ്ങള്‍.
വന്ദേഭാരത് ദൗത്യത്തിന്റെ ഭാഗമായി എത്തിയ എയര്‍ഇന്ത്യ എക്‌സ്പ്രസ് വിമാനം ദുബൈയിലേക്കും സ്‌പെയ്‌സ് ജെറ്റ് വിമാനം റാസല്‍ഖൈമയിലേക്കുമാണ് യാത്രക്കാരുമായി പുറപ്പെട്ടത്. ദുബൈയിലേക്ക് 33 യാത്രക്കാരും റാസല്‍ഖൈമയിലേക്ക് 170 യാത്രക്കാരുമാണ് പോയത്. റസിഡന്റ് വിസയുള്ളവര്‍ക്ക് മാത്രമാണ് യാത്രക്ക് അനുമതിയുള്ളത്. ഈ മാസം 26 വരെയാണ് എയര്‍ ഇന്ത്യ യു.എ.ഇയിലേക്ക് വിമാനങ്ങള്‍ ഷെഡ്യൂള്‍ ചെയ്തിരിക്കുന്നത്.