ന്യൂഡല്‍ഹി: ലോക്‌സഭയിലേക്കുള്ള ആദ്യഘട്ട വോട്ടെടുപ്പിന്റെ പ്രചാരണം സമാപിച്ചു. 20 സംസ്ഥാനങ്ങളിലെ 91 മണ്ഡലങ്ങളിലേക്ക് നാളെ വോട്ടെടുപ്പ് നടക്കും. ആന്ധ്രാപ്രദേശ്, അരുണാചല്‍പ്രദേശ്, അസം, ബിഹാര്‍, ഛത്തിസ്ഗഡ്, ജമ്മുകശ്മിര്‍, മഹാരാഷ്ട്ര, മിസോറം, മണിപ്പൂര്‍, മേഘാലയ, നാഗാലാന്‍ഡ്, ഒഡിഷ, സിക്കിം, തെലങ്കാന, ത്രിപുര, ഉത്തര്‍പ്രദേശ്, ഉത്തരാഖണ്ഡ്, പശ്ചിമബംഗാള്‍, ആന്‍ഡമാന്‍ നിക്കോബാര്‍ ദ്വീപുകള്‍, ലക്ഷദ്വീപ് എന്നിവിടങ്ങളിാണ് ആദ്യഘട്ടത്തില്‍ വോട്ടെടുപ്പ് നടക്കുക.

ഇതോടൊപ്പം ആന്ധ്രാപ്രദേശ്, ഒഡിഷ, അരുണാചല്‍ പ്രദേശ്, സിക്കിം എന്നിവിടങ്ങളിലെ നിയമസഭകളിലേക്കുള്ള വോട്ടെടുപ്പും നടക്കും. ആന്ധ്രയിലെ 25ഉം തെലങ്കാനയിലെ 17ഉം മഹാരാഷ്ട്രയിലെ ഒന്‍പതും ജമ്മുകശ്മിരിലെ രണ്ടും ഛത്തിസ്ഗഡിലെ ഒന്നും മണ്ഡലങ്ങളില്‍ നാളെ വോട്ടെടുപ്പ് നടക്കുന്നു.