തിരുവനന്തപുരം: കമുകറ ഫൗണ്ടേഷന്‍ ഏര്‍പ്പെടുത്തിയ 21-ാമത് ജീവന്‍ ടി.വി - കമുകറ സംഗീത പുരസ്‌കാരത്തിന് സംഗീതജ്ഞന്‍ പെരുമ്പാവൂര്‍ ജി. രവീന്ദ്രനാഥ് അര്‍ഹനായതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 25,000 രൂപയും പ്രശസ്തിപത്രവും ആര്‍ട്ടിസ്റ്റ് ഭട്ടതിരി രൂപകല്‍പന ചെയ്ത ശില്‍പവും അടങ്ങുന്നതാണ് പുരസ്‌കാരം.
മെയ് 20ന് തിരുവനന്തപുരം ടാഗോര്‍ സെന്റിനറി ഹാളില്‍ നടക്കുന്ന കമുകറ അനുസ്മരണ സമ്മേളനത്തില്‍ പുരസ്‌കാരം സമ്മാനിക്കും. ഫൗണ്ടേഷന്‍ ഭാരവാഹികളായ ഡി.ചന്ദ്രസേനന്‍ നായര്‍, രാജീവ് ഒ.എന്‍.വി, പി.വി.ശിവന്‍, കമുകറ ശ്രീകുമാര്‍, ജാനകീദേവി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.