കൊച്ചി: മെട്രോ റെയില്‍ സംഘടിപ്പിച്ച ഫോട്ടോഗ്രഫി മത്സരത്തില്‍ ടൈംസ് ഓഫ് ഇന്ത്യ പ്രിന്‍സിപ്പല്‍ ഫോട്ടോഗ്രാഫര്‍ ജിപ്‌സണ്‍ സിക്കേര ജേതാവായി. ഫ്രീലാന്‍സ് ഫോട്ടോഗ്രാഫര്‍ സി.പി ശ്രീലസുമായി ജിപ്‌സണ്‍ ഒന്നാം സ്ഥാനം പങ്കിട്ടു. അന്‍പതിനായിരം രൂപയും ഫലകവും അടങ്ങുന്നതാണ് അവാര്‍ഡ്. 

കൊച്ചി മെട്രോയുടെ ഒന്നാം വാര്‍ഷികവുമായി ബന്ധപ്പെട്ട് 'കൊച്ചി മെട്രോ 365' എന്ന പേരില്‍ പുറത്തിറക്കുന്ന കോഫി ടേബിള്‍ ബുക്കിന്റെ ഭാഗമായാണ് ദേശീയാടിസ്ഥാനത്തില്‍ മത്സരം സംഘടിപ്പിച്ചത്.
സന്തോഷ് ശിവന്‍, സുരേഷ് ഏറിയാട്ട്, റിയാസ് കോമു, അനില്‍കുമാര്‍ എന്നിവരാണ് വിധിനിര്‍ണയം നടത്തിയത്. അമ്പിളി പ്രവദ രണ്ടാം സാനവും ജനയുഗം ഫോട്ടോഗ്രാഫര്‍ വി എന്‍ കൃഷ്ണപ്രകാശ് മൂന്നാം സ്ഥാനവും കരസ്ഥമാക്കി. ആഗസ്റ്റ് 29 ന് ഉപരാഷ്ട്രപതി വെങ്കയ്യനായിഡു അവാര്‍ഡ് സമ്മാനിക്കും.