അഞ്ചാലുംമൂട്: തൃക്കടവൂര്‍ സാമൂഹികാരോഗ്യ കേന്ദ്രം ലോക മലമ്പനിദിനം ആചരിച്ചു. ഇതിന്റെ ഭാഗമായി ബോധവല്‍ക്കരണ ക്ലാസ്, രക്തപരിശോധന, ബോധവല്‍ക്കരണ ബുക്ക്‌ലെറ്റ് വിതരണം എന്നിവയും നടന്നു. മലമ്പനി നിര്‍മാര്‍ജനം ലോകനന്മക്കായി എന്ന ദിനാചരണ സന്ദേശവുമായി കുരീപ്പുഴയില്‍ നടന്ന ചടങ്ങില്‍ സാമൂഹികാരോഗ്യ കേന്ദ്രം ഹെല്‍ത്ത് ഇന്‍സ്‌പെക്ടര്‍ പി.ആര്‍ ബാലഗോപാല്‍ ഇതര സംസ്ഥാന തൊഴിലാളികള്‍ക്കായി ക്ലാസെടുത്തു.
ജൂനിയര്‍ പബ്ലിക് ഹെല്‍ത്ത് നഴ്‌സ് ഗീത, ജൂനിയര്‍ എച്ച്.ഐ പ്രതിഭ എന്നിവര്‍ രക്ത പരിശോധനക്ക് നേതൃത്വം നല്‍കി. വരും ദിവസങ്ങളില്‍ ബോധവല്‍ക്കരണവും രക്തപരിശോധനയും ശക്തമാക്കുമെന്ന് ഹെല്‍ത്ത് ഇന്‍സ്‌പെക്ടര്‍ പറഞ്ഞു. ഇതര സംസ്ഥാനങ്ങളില്‍ നിന്നുള്ളവരും മറ്റുള്ളവരും രോഗലക്ഷണം കണ്ടാല്‍ ആശുപത്രിയിലെത്തി രക്ത പരിശോധന ഉടന്‍ നടത്തണമെന്നും സ്വയം ചികിത്സ നടത്തരുതെന്നും മെഡിക്കല്‍ ഓഫിസര്‍ ഡോ. ടി ലസിത അറിയിച്ചു.