വല്ലപ്പുഴ: എസ്.കെ.എസ്.എസ്.എഫ് സന്നദ്ധ സേവന വിഭാഗമായ വിഖായയുടെ സംസ്ഥാന നേതൃപരീശീലന ക്യാംപ് വിജയിപ്പിക്കാന്‍ എസ് കെ എസ് എസ് എഫ് ചെര്‍പ്പുളശ്ശേരി മേഖലാ കമ്മിറ്റി തീരുമാനിച്ചു. ജൂലൈ 19 ന് രാവിലെ 8 മണി മുതല്‍ രാത്രി 10 മണി വരെ ചെര്‍പ്പുളശ്ശേരി സമസ്ത ജില്ലാ കാര്യാലയത്തില്‍ നടക്കുന്ന ക്യാംപില്‍ സംസ്ഥാനത്തെ തെരെഞ്ഞടുക്കപ്പെട്ട നൂറോളം അംഗങ്ങള്‍ പങ്കെടുക്കും. ക്യാംപില്‍ പങ്കെടുക്കുന്ന അംഗങ്ങള്‍ക്ക് എല്ലാ സൗകര്യങ്ങളും ചെയ്ത കൊടുക്കാന്‍ തീരുമാനിച്ചു. യോഗത്തില്‍ പ്രസിഡന്റ് കുഞ്ഞി മുഹമ്മദ് ഫൈസി അദ്ധ്യക്ഷത വഹിച്ചു. സല്‍മാനുല്‍ ഫാരിസ് ദാരിമി ഉദ്ഘാടനം ചെയ്തു. സക്കീര്‍ ഹുസൈന്‍ദാരിമി, സൈതലവി ഫൈസി, സലാം ഫൈസി, ഹിബത്തുള്ള മാരായമംഗലം, അഷ്‌റഫ് ഫൈസി, ഫൈസല്‍ നെല്ലായ, നിഷാദ് കുറ്റിക്കോട്, അബൂബക്കര്‍ ഫൈസി, അല്‍താഫ് ബീവിപ്പടി, റഹീം ദാരിമി വീരമംഗലം, മഹ്‌റുഫ് ചളവറ തുടങ്ങിയവര്‍ പ്രസംഗിച്ചു. മുഹമ്മദ് ഷെരീഫ് ദാരിമി സ്വാഗതവും ശബീബ് അന്‍വരി നന്ദിയും പറഞ്ഞു.