അഹമ്മദാബാദ്: ഗുജറാത്തില്‍ നിന്നുള്ള താക്കൂര്‍ സേനാ നേതാവ് അല്‍പേഷ് താക്കൂര്‍ കോണ്‍ഗ്രസില്‍ നിന്ന് രാജിവച്ചു.
താക്കൂര്‍ സമുദായത്തെ അവഗണിക്കുന്നുവെന്ന് ആരോപിച്ചാണ് നടപടിയെന്ന് അല്‍പേഷിന്റെ അടുത്ത അനുയായി ധവാല്‍സിങ് സല എം.എല്‍.എ അറിയിച്ചു. ലോക്‌സഭാ തെരഞ്ഞെടുപ്പില്‍ പതാന്‍ മണ്ഡലത്തില്‍ മത്സരിക്കാന്‍ അല്‍പേഷ് താല്‍പര്യം കാണിച്ചിരുന്നെങ്കിലും മുന്‍ എം.പി ജഗദീഷ് താക്കൂറിനെ കോണ്‍ഗ്രസ് ഇവിടെ സ്ഥാനാര്‍ഥിയായി പ്രഖ്യാപിക്കുകയായിരുന്നു.

നിയമസഭാ തെരഞ്ഞെടുപ്പില്‍ രാധന്‍പൂര്‍ മണ്ഡലത്തില്‍ മത്സരിച്ച അല്‍പേഷ് 15,000ലധികം വോട്ടുകള്‍ക്കാണ് വിജയിച്ചത്. അല്‍പേഷിനെ കൂടാതെ ഭരത് താക്കൂറിനോടും തന്നോടും താക്കൂര്‍ സേന എം.എല്‍.എ പദവി രാജിവയ്ക്കാന്‍ ആവശ്യപ്പെട്ടിട്ടുണ്ടെന്നും ധവാല്‍സിങ് സല അറിയിച്ചു.