കൊല്ലം: വര്‍ധിച്ച് വരുന്ന ഗ്യാസ് പെട്രോളിയം ടാങ്കര്‍ വാഹനങ്ങളുടെ അപകടങ്ങള്‍ കുറയ്ക്കുകയെന്ന ലക്ഷ്യത്തോടെ കൊല്ലം പൊലിസ് ക്ലബില്‍ സിറ്റി പൊലിസ് ഏകദിന പരിശീലന പരിപാടി സംഘടിപ്പിച്ചു. സിറ്റി ട്രാഫിക് നോഡല്‍ ഓഫിസറും ജില്ലാ ക്രൈംബ്രാഞ്ച് അസി. പൊലിസ് കമ്മിഷണറുമായ ജി. സര്‍ജുപ്രസാദ് ഉദ്ഘാടനം ചെയ്തു.
വാഹനങ്ങളില്‍ പാലിക്കപ്പെടേണ്ട സുരക്ഷാ മാനദണ്ഡങ്ങളും പരിപാലിക്കപ്പെടേണ്ട സുരക്ഷാ ക്രമീകരണങ്ങളും ഫാക്റ്ററീസ് ആന്‍ഡ് ബോയിലേഴ്‌സ് കെമിക്കല്‍ ഇന്‍സ്‌പെക്ടര്‍ സിയാവുദ്ദീന്‍ വിശദീകരിച്ചു. കമ്മീഷണര്‍ പി.കെ മധു നിര്‍ദ്ദേശാനുസരണമായിരുന്നു പരിശീലന ക്ലാസ് നടത്തിയത്. വിരമിച്ച സയന്റിസ്റ്റ് ഡോ. ആനന്ദന്‍ ക്ലാസെടുത്തു. ജില്ലാ ക്രൈം ബ്രാഞ്ച് സബ് ഇന്‍സ്‌പെക്ടര്‍ വിശ്വേശ്വരന്‍പിള്ള, അസി. സബ് ഇന്‍സ്‌പെക്ടര്‍ എച്ച്. ഷാനവാസ് എന്നിവര്‍ സംസാരിച്ചു.