കോഴിക്കോട്: അമ്മാവനെ കാണാന്‍ ട്രെയിനില്‍ ബംഗാളില്‍ നിന്നെത്തിയ വിദ്യാര്‍ഥിയെ കാണാതായതായി പരാതി. വെസ്റ്റ് ബംഗാള്‍ ആലത്ത്പൂര്‍ ദൗലത്ത്പൂര്‍ സ്വദേശി മുകലേഷര്‍ റഹ്മാന്റെ മകന്‍ മുജാനിര്‍ ഹുറൈസി (15) നെയാണ് കാണാതായത്.
നരിക്കുനിയില്‍ ജോലി ചെയ്യുന്ന അമ്മാവന്‍ മുഹമ്മദ് ജമാലിനെ കാണാന്‍ വന്നതായിരുന്നു. ചെന്നൈ-മംഗലാപുരം മെയിലില്‍ കോഴിക്കോട്ടേക്ക് വന്ന ഹുറൈസിനെ റെയില്‍വേ സ്റ്റേഷനില്‍ കാണാതാവുകയായിരുന്നുവെന്ന് റെയില്‍വേ പൊലിസ് പറഞ്ഞു. കാണാതാകുമ്പോള്‍ കറുപ്പില്‍ വെള്ള പുള്ളി ഷര്‍ട്ടും നീല ജീന്‍സുമായിരുന്നു വേഷം. ഹിന്ദി മാത്രമേ അറിയൂ. ഇരു നിറം, അഞ്ചര അടി ഉയരം. കുട്ടിയെ കുറിച്ച് വിവരം ലഭിക്കുന്നവര്‍ റെയില്‍വേ പൊലിസ് സി.ഐയുടെ 9497981122, ഇന്‍സ്‌പെക്ടറുടെ 9497987331 നമ്പറില്‍ ബന്ധപ്പെടണം.