ലണ്ടന്‍: വിംബിള്‍ഡനില്‍ വനിതാ വിഭാഗം സിംഗിള്‍സില്‍ അമേരിക്കന്‍ താരം സെറീനാ വില്യംസും ബെല്‍ജിയം താരം ആഞ്ജലിക്‌കെര്‍ബറും ഫൈനലില്‍ പ്രവേശിച്ചു. ബെല്‍ജിയത്തിന്റെ ജൂലിയാ ഗോര്‍ജെസിനെ പരാജയപ്പെടുത്തിയാണ് സെറിന ഫൈനലില്‍ പ്രവേശിച്ചത്. 2-6, 4-6 എന്നീ സെറ്റുകള്‍ക്കായിരുന്നു സെറീനയുടെ ജയം.
ലാത്വിയന്‍ താരം ജൂലിയ ഒസ്റ്റാപെങ്കോയെയാണ് ബെല്‍ജിയം താരം ആഞ്ജലിക് കെര്‍ബര്‍ പരാജയപ്പെടുത്തിയത്. 3-6, 3-6 എന്നീ സെറ്റുകള്‍ക്കായിരുന്നു കെര്‍ബറിന്റെ ജയം. മുന്‍ ഒന്നാം നമ്പര്‍ താരവും 2016ലെ റണ്ണറപ്പുമാണ് കെര്‍ബര്‍. 2016ലെ ഫൈനലില്‍ സെറീനയോട് പരാജയപ്പെട്ട താരമാണ് കെര്‍ബര്‍. പുരുഷ വിഭാഗം സിംഗിള്‍സില്‍ സ്‌പെയിനിന്റെ റാഫേല്‍ നദാല്‍ സെമിയില്‍ പ്രവേശിച്ചു. അര്‍ജന്റീനയുടെ ദെല്‍ പോട്രോയെ പരാജയപ്പെടുത്തിയായിരുന്നു നദാലിന്റെ സെമി പ്രവേശനം.