പോത്തന്‍കോട്: ജോലിക്കിടെ കെ.എസ്. ആര്‍.ടി.സി ബസ് തടഞ്ഞു നിര്‍ത്തി കണ്ടക്ടറെ മര്‍ദ്ദിച്ചതായി പരാതി. കണിയാപുരം ഡിപ്പോയിലെ കണ്ടക്ടറായ ചെമ്പഴന്തി സ്വാമിയാര്‍മഠം പങ്കജമന്ദിരത്തില്‍ നിമിന്‍ (31) നാണ് പരിക്കേറ്റത്.  
നെടുമങ്ങാടു നിന്നും മുരുക്കുംപുഴയിലേക്ക് സര്‍വ്വീസ് നടത്തവേ ബുധനാഴ്ച രാത്രി ആറരയോടെ പോത്തന്‍കോടിനു സമീപം അയണിമൂട്ടില്‍ വച്ചാണ് സംഭവം നടന്നത്.
ബൈക്കിലെത്തിയ ഇരുവര്‍ സംഘം ബസ് തടഞ്ഞുനിര്‍ത്തി ബസിനുള്ളില്‍ കയറി കണ്ടക്ടറെ മര്‍ദ്ദിക്കുകയായിരുന്നു.
ഇതേ സമയം അതുവഴി വരികയായിരുന്ന കെ.എസ്.ആര്‍.ടി.സിയുടെ പരിശോധനാ സംഘവും നാട്ടുകാരും ചേര്‍ന്ന് പ്രതികളില്‍ ഒരാളെ പിടികൂടി പൊലിസില്‍ ഏല്‍പ്പിച്ചു.