മൂവാറ്റുപുഴ: കേരള വഖ്ഫ് ബോര്‍ഡിലെ അഴിമതിയില്‍ അന്വേഷണം നടത്താന്‍ മൂവാറ്റുപുഴ വിജിലന്‍സ് കോടതി ഉത്തരവായി. ഹൈക്കോടതി ഉത്തരവ് മറികടന്ന് ബോര്‍ഡില്‍ സ്ഥിര നിയമനം നടത്തിയതിനെതിരേ എഫ്.ഐ.ആര്‍ രജിസ്റ്റര്‍ ചെയ്ത് അന്വേഷണം നടത്തുവാന്‍ മൂവാറ്റുപുഴ വിജിലന്‍സ് ജഡ്ജി ബി.കലാംപാഷയാണ് ഉത്തരവിട്ടത്. വഖ്ഫ് ബോര്‍ഡിന്റെ പേരിലുള്ള വസ്തുക്കള്‍ വില്‍പന നടത്തിയതും വഖ്ഫ് വക വസ്തുക്കളുടെ രജിസ്റ്റര്‍ സൂക്ഷിക്കാത്തത് അന്വേഷിക്കാനും കോടതി ഉത്തരവായിട്ടുണ്ട്.
2019ലെ പുതിയ അഴിമതി നിരോധന വകുപ്പു ഭേദഗതി പ്രകാരം പ്രതികള്‍ക്കെതിരേ വിജിലന്‍സ് അന്വേഷണം നടത്തുവാന്‍ സര്‍ക്കാര്‍ അനുമതി ആവശ്യമാണ്. ഹരജിക്കാരന്‍ ഗവണ്‍മെന്റില്‍ നിന്നും അനുമതി ഹാജരാക്കുന്ന മുറക്ക് കേസ് തുടര്‍ന്ന് നടത്തുവാന്‍ അനുവദിക്കുന്ന വിധം കോടതി കേസ് തീര്‍പ്പാക്കി.
കൊച്ചി തൃക്കാക്കര സ്വദേശി തൈക്കൂട്ടത്തില്‍ അബ്ദുല്‍ സലാമാണ് ഹരജിക്കാരന്‍.