ഹരിപ്പാട്: കാര്‍ ഡിവൈഡറില്‍ ഇടിച്ചു മറിഞ്ഞു കുടുംബത്തിന് പരുക്കേറ്റു.ഇന്നലെ രാത്രി 7-45നു ഹരിപ്പാട് കെ.എസ്.ആര്‍.ടി.സി ബസ് സ്റ്റേഷനു സമീപമായിരുന്നു അപകടം.
 തെക്ക് ഭാഗത്ത്‌നിന്ന് വന്ന മാരുതി സ്വിഫ്റ്റ് കാര്‍ ഡിവൈഡറില്‍ ഇടിച്ച് കരണം മറിയുകയായിരുന്നു. ഈ ഭാഗത്ത് ഇരുട്ടായിരുന്നതിനാല്‍ ഡിവൈഡര്‍ കാണാന്‍ സാധിക്കാതെ വന്നതാണ് അപകട കാരണം.
ആനാരി ചേന്നങ്കരി ശശിയും കുടുംബവും സഞ്ചരിച്ചിരുന്ന കാറാണ് അപകടത്തില്‍ പെട്ടത്. പരുക്കേറ്റ ശശി (55), ഭാര്യ സെലീന (45), മകന്‍ ശരത് (22) എന്നിവര്‍ ഹരിപ്പാട് ഗവ.ആശുപത്രിയില്‍ ചികിത്സ തേടി. നിരവധി തവണ ഈ ഡിവൈഡറില്‍ വാഹനങ്ങള്‍ ഇടിച്ച് കയറി അപകടം ഉണ്ടായിട്ടുണ്ട്. ഇവിടെ  റിഫ്‌ലക്ടര്‍  ഇല്ലാത്തതും വെളിച്ചക്കുറവുമാണ് അപകട കാരണം.