കയ്പമംഗലം: മിഹ്‌റ ജാനുല്‍ ബിദായ മദ്‌റസ വിദ്യാരംഭ ക്യാംപയിന്‍ മതിലകം റെയ്ഞ്ച് തല ഉദ്ഘാടനം പുതിയകാവ് ഇല്‍ഫതുല്‍ ഇസ്‌ലാം മദ്‌റസയില്‍ നടന്നു. എസ്.വൈ.എസ് ജില്ലാ പ്രസിഡന്റ് ശറഫുദ്ധീന്‍ മൗലവി വെന്‍മേനാട് ക്യാംപയിന്‍ ഉദ്ഘാടനം ചെയ്തു.
മദ്‌റസാ മാനേജ്‌മെന്റ് അസോസിയേഷന്‍ പ്രസിഡന്റ് അബ്ദുല്‍ ഖാദര്‍ ഹാജി അധ്യക്ഷനായിരുന്നു. നേരറിവ് നല്ല നാളേക്ക് പ്രമേയ പ്രഭാഷണം സുപ്രഭാതം ജില്ലാ കോഡിനേറ്റര്‍ സി.എച്ച്.എം ഫൈസല്‍ ബദ്‌രി നിര്‍വഹിച്ചു. റെയ്ഞ്ച് ചെയര്‍മാന്‍ മജീദ് മൗലവി, വൈസ് പ്രസിഡന്റ് മുഹമ്മദ് ഫൈസി, പുതിയകാവ് മദ്‌റസാ സെക്രട്ടറി സിദ്ദീഖ്, ആസിഫ് ഫൈസി, ഹാരിസ് ബാഖവി സംസാരിച്ചു. വിദ്യാര്‍ഥികളുടെ ദഫ് മുട്ട് ഉള്‍പ്പെടെയുള്ള കലാപരിപാടിക്കും ഉണ്ടായിരുന്നു.