മോസ്‌കോ: ഞാന്‍ കണ്ടതില്‍വച്ച് ഏറ്റവും നല്ല ലോകകപ്പാണ് റഷ്യയിലേതെന്ന് ഫിഫ പ്രസിഡന്റ് ഇന്‍ഫാന്റീഞ്ഞോ. മോസ്‌കോയില്‍ മാധ്യമപ്രവര്‍ത്തകരോട് സംസാരിക്കുന്നതിനിടെയാണ് ഇന്‍ഫാന്റീഞ്ഞോ ഇക്കാര്യം പറഞ്ഞത്. റഷ്യയുടെ വളണ്ടിയര്‍ ജാക്കറ്റ് അണിഞ്ഞായിരുന്നു ഇന്‍ഫാന്റീഞ്ഞോ വാര്‍ത്താ സമ്മേളത്തിനെത്തിയത്. നിര്‍മാണം കൊണ്ടും ക്വാളിറ്റി കൊണ്ടും മറ്റെല്ലാ ലോകകപ്പുകളേക്കാളും ഇത് മികച്ചതാണെന്നും അദ്ദേഹം പ്രതികരിച്ചു. വാര്‍ സിസ്റ്റം ഈ ലോകകപ്പിലെ മികച്ച ഒന്നായെന്നു അദ്ദേഹം അഭിപ്രായപ്പെട്ടു. ടൂര്‍ണമെന്റ് വിജയകരമാക്കാന്‍ റഷ്യന്‍ സര്‍ക്കാരും റഷ്യയിലോ ഓരോരുത്തരും ശ്രമിച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു.