കൊടുവള്ളി: എം.കെ രാഘവന്‍ എം.പിയുടെ നേതൃത്വത്തില്‍ കോഴിക്കോട് ലോകസഭാ മണ്ഡലത്തിലെ വിദ്യാര്‍ഥികളുടെ ഉന്നമനത്തിനായി നടപ്പിലാക്കുന്ന വൈബ്രന്റ് കോഴിക്കോട്-2018 പദ്ധതിയുടെ കൊടുവള്ളി മണ്ഡലംതല പരിപാടികള്‍ നാളെ രാവിലെ 9.30 മുതല്‍ കൊടുവള്ളി നഗരസഭ കമ്യൂണിറ്റി ഹാളില്‍ നടക്കും. മണ്ഡലത്തിലെ പ്ലസ്ടു മുഴുവന്‍ വിദ്യാര്‍ഥികളെയും അനുമോദിക്കും. സിനിമാ സംവിധായകനും നടനുമായ ജോയ് മാത്യു ഉദ്്ഘാടനം ചെയ്യും. ഡോ. ടി.പി സേതുമാധവന്‍ കരിയര്‍ ഗൈഡന്‍സ് ക്ലാസെടുക്കും. പ്ലസ് ടു പാസായ മുഴുവന്‍ വിദ്യാര്‍ഥികളും പരിപാടിയില്‍ കൃത്യസമയത്ത് പങ്കെടുക്കണമെന്ന് സ്വാഗതസംഘം ഭാരവാഹികളായ ശരീഫ കണ്ണാടിപ്പൊയില്‍, എ.പി മജീദ് മാസ്റ്റര്‍, കെ. ശിവദാസന്‍, വിജയന്‍ കാഞ്ഞിരങ്ങാട്ട് എന്നിവര്‍ വാര്‍ത്താകുറിപ്പില്‍ അറിയിച്ചു.