മലപ്പുറം: മലപ്പുറത്ത് ക്വാറന്റീനില്‍ കഴിയവെ മരിച്ച യുവാവിന് കൊവിഡ്. മലപ്പുറം ചോക്കാട് മാളിയേക്കല്‍ സ്വദേശി ഇര്‍ഷാദലിക്കാണ് രോഗം സ്ഥിരീകരിച്ചത്.

ബുധനാഴ്ച ഉച്ചയോടെയാണ് ഇദ്ദേഹത്തെ മരിച്ച നിലയില്‍ കണ്ടത്. ഭക്ഷണവുമായെത്തി ബന്ധുക്കള്‍ വിളിച്ചിട്ടൊന്നും മുറിയില്‍ നിന്ന് പ്രതികരണമുണ്ടായില്ല. തുടര്‍ന്ന് പൊലിസിനെ അറിയിച്ചു. പൊലിസെത്തിയാണ് മുറി തുറന്നത്.
ദുബൈയിലെ സൂപ്പര്‍മാര്‍ക്കറ്റില്‍ ജോലി ചെയ്യുകയായിരുന്ന ഇര്‍ഷാദലി ജൂലൈ നാലിനാണ് നാട്ടിലെത്തിയത്. പിന്നീട് വീട്ടില്‍ നിരീക്ഷണത്തില്‍ കഴിയുകയായിരുന്നു.