തലശ്ശേരി: തലശ്ശേരി നഗരസഭയുടെ 150-ാം വാര്‍ഷികാഘോഷത്തിന്റെ ഭാഗമായ് തലശ്ശേരി മുസ്‌ലിം സൗഹൃദ വേദിയുടെ ആഭിമുഖ്യത്തില്‍ 'ഓര്‍മകളിലെ തലശ്ശേരി' എന്ന പേരില്‍ 29ന് തലശ്ശേരിയില്‍ ചരിത്ര സെമിനാര്‍ സംഘടിപ്പിക്കുന്നു. 29ന് വൈകുന്നേരം നാലു മണിക്ക് തലശ്ശേരി ബി.ഇ.എം.പി ഹൈസ്‌കൂളില്‍ നടക്കുന്ന സെമിനാറില്‍ പ്രമുഖ ചരിത്ര പണ്ഡിതന്‍ കെ.കെ.എന്‍ കുറുപ്പ് മുഖ്യപ്രഭാഷണം നടത്തും. എ.എന്‍ ഷംസീര്‍ എം.എല്‍.എ ഉദ്ഘാടനം ചെയ്യും. പ്രൊഫ.ഇ ഇസ്മാഈല്‍, കെ.പി കുഞ്ഞിമൂസ, കെ.കെ മാരാര്‍, പ്രൊഫ.എ.പി സുബൈര്‍, വി.കെ കുട്ടു വിവിധ സെഷനുകള്‍ അവതരിപ്പിക്കും. 150-ാം വാര്‍ഷികം ആഘോഷിക്കുന്ന നഗരസഭക്കുള്ള പുരസ്‌ക്കാരം ചെയര്‍മാന്‍ സി.കെ രമേശന്‍ ഏറ്റുവാങ്ങും. വാര്‍ത്താ സമ്മേളനത്തില്‍ ഡോ.സി.പി നാസിമുദ്ദീന്‍, ജവാദ് അഹമ്മദ്, സി.പി ആലുപ്പി കേയി, എ.കെ മുസ്തഫ, വി.പി അഹമ്മദ് റിയാസ്, ടി.സി ആസിഫലി, കെ.എം അഷ്ഫാഖ് പങ്കെടുത്തു.