കാസര്‍കോട്: റീജ്യണല്‍ ട്രാന്‍സ്‌പോര്‍ട്ട് ഓഫിസിന്റെ നേതൃത്വത്തില്‍ ശബ്ദമലിനീകരണ അവബോധ ദിനാചരണം സംഘടിപ്പിച്ചു. ഐ.എം.എ കാസര്‍കോട്, കെ.എല്‍ 14 റൈഡേഴ്‌സ് ക്ലബ്, ഫ്‌ളവേഴ്‌സ് കോപ്പ എന്നിവരുടെ സഹകരണത്തോടെയാണ് കലക്ടറേറ്റ് കോണ്‍ഫറന്‍സ് ഹാളില്‍ ശബ്ദമലിനീകരണ അവബോധ ദിനാചരണം സംഘടിപ്പിച്ചത്.
ഡെപ്യൂട്ടി കലക്ടര്‍ എന്‍ ദേവിദാസ് ഉദ്ഘാടനം ചെയ്തു. ആര്‍.ടി.ഒ ബാബു ജോണ്‍ അധ്യക്ഷനായി. കാസര്‍കോട് ഐ.എം.എ പ്രസിഡന്റ് ഡോ. മഞ്ജുനാഥ് ഷെട്ടി മുഖ്യപ്രഭാഷണം നടത്തി. ഇന്റര്‍നാഷണല്‍ നാവിഗേറ്ററും കെ.എല്‍- 14 ക്ലബ്ബ് അഡൈ്വസറുമായ മൂസ ഷെരീഫ്, കോപ്പ ഫ്‌ളവേഴ്‌സ് ക്ലബ് അഡൈ്വസറായ അബ്ദുള്‍ സലാം സംസാരിച്ചു. എം.വി.ഐ ടി.വി രഞ്ജിത് ക്ലാസ്സെടുത്തു. എം.വി.ഐ എ.കെ രാജീവന്‍, എം. വി.ഐ റിജിന്‍ സംസാരിച്ചു. കാസര്‍കോട് പുതിയ ബസ് സ്റ്റാന്‍ഡ് പരിസരത്ത് ഡ്രൈവര്‍മാര്‍ക്കായി നടത്തിയ ശബ്ദമലിനീകരണ അവബോധ ക്യാംപ് ആര്‍.ടി.ഒ ബാബു ജോണ്‍ ഉദ്ഘാടനം ചെയ്തു.