നോര്‍ത്ത് ബ്ലോക്കിലെ ദൃശ്യങ്ങള്‍ നിര്‍ണായകം; എന്‍.ഐ.എയ്ക്കും സര്‍ക്കാരിനും

backup

July 25 2020 | 02:07 AM

%e0%b4%a8%e0%b5%8b%e0%b4%b0%e0%b5%8d%e2%80%8d%e0%b4%a4%e0%b5%8d%e0%b4%a4%e0%b5%8d-%e0%b4%ac%e0%b5%8d%e0%b4%b2%e0%b5%8b%e0%b4%95%e0%b5%8d%e0%b4%95%e0%b4%bf%e0%b4%b2%e0%b5%86-%e0%b4%a6%e0%b5%83%e0%b4%b6

തിരുവനന്തപുരം: എന്‍.ഐ.എ ആവശ്യപ്പെട്ട സി.സി.ടി.വി ദൃശ്യങ്ങള്‍ നല്‍കാന്‍ സര്‍ക്കാര്‍ തീരുമാനിച്ചതോടെ കേസില്‍ ഇനി നിര്‍ണായകമാകുയാണ് ഈ ദൃശ്യങ്ങള്‍. സ്വര്‍ണകള്ളക്കടത്തു നടന്ന രണ്ടു മാസത്തിനുള്ളില്‍ പ്രതികള്‍ മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം. ശിവശങ്കറിന്റെ ഔദ്യോഗിക ഓഫിസിലും എത്തിയെന്നാണ് എന്‍.ഐ.എ യ്ക്ക് കിട്ടിയ വിവരം. ഇതിന്റെ അടിസ്ഥാനത്തിലാണ് സെക്രട്ടേറിയറ്റിലെ നോര്‍ത്ത് ബ്ലോക്കിലെ രണ്ടു മാസത്തെ ദൃശ്യങ്ങള്‍ സര്‍ക്കാരിനോട് ആവശ്യപ്പെട്ടത്.

സെക്രട്ടേറിയറ്റില്‍ തങ്ങളുടെ സൈബര്‍ ഫോറന്‍സിക് വിഭാഗത്തിന്റെ പരിശോധന വേണ്ടിവരുമെന്നും എന്‍.ഐ.എ ചീഫ് സെക്രട്ടറിയെ അറിയിച്ചിട്ടുണ്ട്. സെക്രട്ടേറിയറ്റിലെ സി.സി.ടി.വിയില്‍ കഴിഞ്ഞ ഒരു വര്‍ഷത്തെ ദൃശ്യങ്ങള്‍ ശേഖരിച്ചു വയ്ക്കാന്‍ സാധിക്കും.

വി.എസ് അച്യുതാനന്ദന്‍ സര്‍ക്കാരിന്റെ കാലത്താണ് സി.സി.ടി.വി സ്ഥാപിച്ചതെങ്കിലും അന്ന് 14 ദിവസത്തെ ദൃശ്യങ്ങള്‍ ശേഖരിക്കാനുള്ള സംവിധാനമേ ഉണ്ടായിരുന്നുള്ളൂ. ആറു മാസത്തെ ദൃശ്യങ്ങള്‍ ശേഖരിച്ചു വയ്ക്കണമെന്ന് സോളര്‍ കേസ് അന്വേഷണ കമ്മിഷന്‍ ശുപാര്‍ശ ചെയ്തതിനെ തുടര്‍ന്നാണു കഴിഞ്ഞ സര്‍ക്കാര്‍ ഒരു വര്‍ഷം വരെയുള്ള ദൃശ്യങ്ങള്‍ ശേഖരിക്കാനുള്ള സാങ്കേതിക സൗകര്യം ഒരുക്കിയത്.

കാമറ കേടായാലും ദൃശ്യങ്ങള്‍ നഷ്ടപ്പെടില്ലെന്നു സാങ്കേതിക വിദഗ്ധര്‍ പറയുന്നു. ഈ സാഹചര്യത്തില്‍ സ്വര്‍ണക്കടത്ത് കേസിലെ പ്രതികള്‍ സെക്രട്ടേറിയറ്റില്‍ എത്തിയെങ്കില്‍ അവരുടെയും അവരെ സഹായിച്ചവരുടെയും ദൃശ്യങ്ങള്‍ വീണ്ടെടുക്കാന്‍ സാധിക്കും.

സെക്രട്ടേറിയറ്റിലും രണ്ട് അനക്‌സുകളിലും ഗേറ്റുകളിലുമായി 83 കാമറകളുണ്ട്. ഇതില്‍ നാലെണ്ണം തകരാറിലാണ്.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."