ബംഗളൂരു: നിര്‍ണായക പോരിനിറങ്ങിയ റോയല്‍ ചലഞ്ചേഴ്‌സ് ബ്ലാഗ്ലൂരിന് ഗുജറാത്തിനെതിരെയും തോല്‍വി. ഏഴു വിക്കറ്റിനാണ് തോല്‍വി വഴങ്ങിയത്.

ആദ്യം ബാറ്റ് ചെയ്ത ബാംഗ്ലൂര്‍ നിശ്ചിത 20 ഓവറില്‍ 134 റണ്‍സില്‍ പുറത്തായപ്പോള്‍ ഗുജറാത്ത് 13.5 ഓവറില്‍ 135 റണ്‍സെടുത്ത് വിജയിക്കുകയായിരുന്നു. 34 പന്തില്‍ അഞ്ച് ഫോറും ആറ് സിക്‌സുമായി 72 റണ്‍സ് വാരിയ ആരോണ്‍ ഫിഞ്ചിന്റെ ബാറ്റിങാണ് ഗുജറാത്ത് ജയം അനായാസമാക്കിയത്. നായകന്‍ റെയ്‌ന 34 റണ്‍സുമായി പുറത്താകാതെ നിന്നു. ബാംഗ്ലൂരിനായി ബദ്രി രണ്ട് വിക്കറ്റെടുത്തു.

നേരത്തെ ടോസ് നേടി ഗുജറാത്ത് ബൗളിങ് തിരഞ്ഞെടുക്കുകയായിരുന്നു. മുന്‍നിരയിലെ വമ്പനടിക്കാര്‍ വീണ്ടും പരാജയപ്പെട്ടപ്പോള്‍ റോയല്‍ ചലഞ്ചേഴ്‌സ് ബാംഗ്ലൂരിന്റെ ബാറ്റിങ് തകര്‍ന്നു. ഗെയ്ല്‍ (എട്ട്), കോഹ്‌ലി (10), ഡിവില്ല്യേഴ്‌സ് (അഞ്ച്), ട്രാവിസ് ഹെഡ്ഡ് (പൂജ്യം) എന്നീ മുന്‍നിരക്കാന്‍ വന്‍ പരാജയമായി മാറി.