ജോഹന്നാസ്ബര്‍ഗ്: ദക്ഷിണാഫ്രിക്കന്‍ ക്രിക്കറ്റര്‍ കാസിഗ റബാഡക്ക് റെക്കോര്‍ഡ്. ടെസ്റ്റ് ക്രിക്കറ്റില്‍ 150 വിക്കറ്റുകള്‍ തികക്കുന്ന ഏറ്റവും പ്രായം കുറഞ്ഞ താരമെന്ന ബഹുമതിയാണ് ഇന്നലെ ലങ്കയിലെ ഗോള്‍ അന്താരാഷ്ട്ര സ്റ്റേഡിയത്തില്‍ ഈ യുവ പേസ് ബൗളറെ തേടിയെത്തിയത്.

23 വയസും 50 ദിവസവും പ്രായമുള്ള കാഗിസോ റബാഡയുടെ തൊപ്പിയില്‍ മറ്റൊരു പൊന്‍തൂവല്‍ കൂടിയായി ഈ നേട്ടം. സ്പിന്നര്‍ കേശവ് മഹാരാജ് മുന്‍തൂക്കം നേടിയ ഇന്നിങ്‌സില്‍ മൂന്ന് വിക്കറ്റാണ് റബാഡ സ്വന്തമാക്കിയത്.
2003ല്‍ 23 വയസും 106 ദിവസും എത്തി നില്‍ക്കെ 150 ടെസ്റ്റ് വിക്കറ്റ് നേടിയ ഹര്‍ഭജന്‍ സിങിന്റെ പേരിലായിരുന്നു ഇതുവരെ ഈ റെക്കോര്‍ഡ്. ഇരു ഇന്നിങ്‌സിലുമായി ഗോളില്‍ റബാഡ ഏഴ് വിക്കറ്റാണ് നേടിയത്. വെറോണ്‍ ഫിലാന്‍ഡറും ഡെയില്‍ സ്റ്റെയിനും ചേര്‍ന്ന് മൂന്ന് വിക്കറ്റാണ് രണ്ടണ്ട് ഇന്നിങ്‌സുകളിലായി നേടിയിട്ടുള്ളത്.