വൈക്കം: താലൂക്ക് എന്‍.എസ്.എസ് യൂനിയന്‍ ഹ്യൂമന്‍ റിസോഴ്‌സ് സെന്ററിന്റെ നേതൃത്വത്തില്‍ കുട്ടികള്‍ക്കായി 'സാര്‍ത്ഥകം 2017' പരിശീലന കളരി നടത്തി.
യൂനിയന്റെ കീഴിലുള്ള 97 കരയോഗങ്ങളിലെ ഏഴാം ക്ലാസ് മുതല്‍ 12-ാം ക്ലാസ് വരെ പഠിക്കുന്ന ആയിരത്തിലധികം കുട്ടികളാണ് ക്യാംപില്‍ പങ്കെടുത്തത്. വ്യക്തിത്വ വികസനം, സ്ട്രസ് മാനേജ്‌മെന്റ്, കരിയര്‍ ഗൈഡന്‍സ് എന്നീ വിഷയങ്ങളിലാണ് ശില്‍പശാല നടത്തിയത്.
വടക്കേനട എന്‍.എസ്.എസ് ഓഡിറ്റോറിയത്തില്‍ നടന്ന ശില്‍പശാലയുടെ ഉദ്ഘാടനം യൂനിയന്‍ പ്രസിഡന്റ് ഡോ. സി.ആര്‍ വിനോദ് കുമാര്‍ നിര്‍വഹിച്ചു.
വൈസ് പ്രസിഡന്റ് എസ്.മധു അധ്യക്ഷനായി. യൂനിയന്‍ സെക്രട്ടറി കെ.വി വേണുഗോപാല്‍, എന്‍.ജി ബാലചന്ദ്രന്‍, എം. ഗോപാലകൃഷ്ണന്‍, കെ.എസ് സാജുമോന്‍, പി.എസ് വേണുഗോപാലന്‍ നായര്‍, എന്‍.എസ്.എസ് പ്രതിനിധി സഭാംഗം ടി.ആര്‍ ശ്രീകുമാര്‍, എസ്. സുരേഷ്‌കുമാര്‍, എ. ശ്രീകല, ശ്രീലേഖ മണിലാല്‍, ഇന്ദിരാമണി പ്രസംഗിച്ചു.
 എന്‍.ജി ബാലചന്ദ്രന്‍, പ്രതാപചന്ദ്രന്‍, എം. ഗോപാലകൃഷ്ണന്‍, ഡോ.ആര്‍.വേണുഗോപാല്‍, ഡോ. സി.ആര്‍ വിനോദ് കുമാര്‍, പി. പ്രസാദ്, രശ്മി ധനകുമാരി എന്നിവര്‍ ക്ലാസുകള്‍ നയിച്ചു.