നെടുമ്പാശ്ശേരി: രാമച്ചത്തില്‍ പൊതിഞ്ഞ് കഞ്ചാവ് വിദേശത്തേക്ക് കടത്താന്‍ ശ്രമിച്ച യാത്രകാരനെ നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ അറസ്റ്റ്‌ചെയ്തു. കൊല്ലം ചിറ്റയം ഇഞ്ചവിള കൊടിയില്‍ പുത്തന്‍വീട്ടില്‍ ജസ്റ്റിന്‍ ക്ലെമന്റ് (30) ആണ് പിടിയിലായത്. ഒന്നര കിലോഗ്രാം കഞ്ചാവാണ് ഇയാളില്‍ നിന്നും പിടികൂടിയത്. പ്ലാസ്റ്റിക്ക് കവറില്‍ പൊതിഞ്ഞ കഞ്ചാവ് രാമച്ചം നിറച്ച മറ്റൊരു കവറില്‍ ഒളിപ്പിച്ച ശേഷം ബാഗേജിനകത്ത് സൂക്ഷിച്ചിരിക്കുകയായിരുന്നു.
രഹസ്യ വിവരം ലഭിച്ചതിനെ തുടര്‍ന്ന് എത്തിയ നാര്‍ക്കോട്ടിക് കണ്‍ട്രോള്‍ ബ്യൂറോ ഉദ്യോഗസ്ഥരാണ് കഞ്ചാവ് പിടികൂടിയത്.ശ്രീലങ്കന്‍ എയര്‍ലൈന്‍സ് വിമാനത്തില്‍ കൊളംബോ വഴി ബഹറിനിലേക്ക് കടത്താനായിരുന്നു പദ്ധതി.