ന്യൂഡല്‍ഹി: റിയോ ഒളിംപിക്‌സിന് യോഗ്യത നേടാനാവാത്തതില്‍ രാജ്യത്തോട് മാപ്പു ചോദിക്കുന്നുവെന്ന് ബോക്‌സിങ് താരം മേരി കോം. വിജേന്ദര്‍ സിങ്-കെറി ഹോപ്പ് മത്സരം കാണാനെത്തിയതായിരുന്നു മേരി കോം. യോഗ്യത നേടാനാവാത്തതില്‍ നിരാശയുണ്ട്. എന്നാല്‍ ബോക്‌സിങിനെ പിന്തുണച്ച് ഇവിടെയെത്തിവര്‍ക്കെല്ലാം നന്ദിയുണ്ട്. അവരുടെ പിന്തുണ തുടര്‍ന്നും പ്രതീക്ഷിക്കുന്നുവെന്ന് മേരി കോം പറഞ്ഞു.
നേരത്തെ യോഗ്യതാ മത്സരത്തില്‍ പരാജയപ്പെട്ട താരം വൈല്‍ഡ് കാര്‍ഡ് എന്‍ട്രിക്ക് ശ്രമിച്ചിരുന്നെങ്കിലും അന്താരാഷ്ട്ര ഒളിംപിക് സമിതി തള്ളുകയായിരുന്നു.