തിരൂരങ്ങാടി: വിവിധ കേസുകളില്‍ മുങ്ങിനടന്ന അഞ്ച് പേരെ തിരൂരങ്ങാടി പൊലിസ് അറസ്റ്റ് ചെയ്തു.
അനധികൃതമായി മണല്‍ കടത്തിയ കേസില്‍ പാലത്തിങ്ങല്‍ പള്ളിപ്പടി കുന്നുമ്മല്‍ ഷരീഫ്(38), അടിപിടി കേസില്‍ പ്രതികളായ പന്താരങ്ങാടി ചെട്ടിയാംതൊടിക മുഹമ്മദ്‌കോയ(30), കോട്ടക്കല്‍ പൂവംവളപ്പില്‍ നൗഷാദ്(27), എ.ആര്‍ നഗര്‍ മാട്ടറ ഹംസക്കുട്ടി(34), ചെക്ക് കേസില്‍ തിരൂരങ്ങാടി കല്ലുങ്ങല്‍ അബ്ദുല്‍ റഷീദ്(55) എന്നിവരെയാണ് കഴിഞ്ഞ ദിവസം രാത്രിയില്‍ തിരൂരങ്ങാടി സി.ഐയുടെ നേതൃത്വത്തില്‍ പിടികൂടിയത്. റഷീദ്, ഹംസ എന്നിവരെ ജാമ്യത്തില്‍ വിടുകയും മറ്റുള്ളവരെ റിമാന്‍ഡ് ചെയ്യുകയും ചെയ്തു.
പത്ത് വര്‍ഷത്തിലേറെ പഴക്കമുള്ള കേസുകളില്‍ പ്രതികളെ പിടികിട്ടാപുള്ളികളായി പ്രഖ്യാപിച്ചിരുന്നു.