കിഴിശ്ശേരി: കുടിവെള്ളക്ഷാമം രൂക്ഷമായ പ്രദേശങ്ങളില്‍ കുഴിമണ്ണ പഞ്ചായത്ത് സൗജന്യ കുടിവെള്ള വിതരണം നടത്തി. മിക്ക വീടുകളിലും കിണറുകളുണ്ടെങ്കിലും വേനല്‍ കനത്തതോടെ കിണറുകളെല്ലാം വറ്റി വരണ്ടു. കുടിവെള്ള വിതരണത്തിന്റെ ഉദ്ഘാടനം ഒന്നാം വാര്‍ഡിലെ എറമ്പ്രചാലില്‍ കുഴിമണ്ണ പഞ്ചായത്ത് പ്രസിഡന്റ് ബാലത്തില്‍ ബാപ്പു നിര്‍വഹിച്ചു.
പഞ്ചായത്ത് വൈസ് പ്രസിഡന്റ് കെ.കെ മെഹ്‌റുന്നീസ അധ്യക്ഷയായി. പഞ്ചായത്തംഗങ്ങളായ സി.എം മുസ്തഫ, പുളിക്കല്‍ മുഹമ്മദ്, വി.കെ മുഹമ്മദുണ്ണി, ഇ.എം ഇസ്മാഈല്‍, കെ.ദിവ്യ, പി.ആയിഷ സംസാരിച്ചു.