ശ്രീനഗര്‍: ജമ്മുകശ്മിരിലേക്ക് നുഴഞ്ഞുകയറാനായി 150ഓളം ഭീകരര്‍ അവസരം കാത്തിരിക്കുന്നതായി സൈന്യം അറിയിച്ചു.
പാക് അധീന കശ്മിരിലാണ് ഭീകരരുള്ളത്. ഇവരില്‍ ചിലര്‍ കശ്മിരിലെ പൂഞ്ച്-രജൗറി മേഖലയിലേക്ക് നുഴഞ്ഞുകയറാന്‍ ശ്രമിച്ചിരുന്നെങ്കിലും ഇത് തകര്‍ത്തതായി ലഫ്. ജന. ജെ.എസ് സന്ധു അറിയിച്ചു.
കശ്മിരില്‍ സൈന്യത്തിന്റെ നേതൃത്വത്തില്‍ നടത്തുന്ന ദ്വിദിന യൂത്ത് ഫെസ്റ്റിവല്‍ സംബന്ധിച്ച കാര്യങ്ങള്‍ അറിയിക്കുന്നതിനായി വിളിച്ചു ചേര്‍ത്ത വാര്‍ത്താസമ്മേളനത്തിലാണ് ഭീകരരുടെ നുഴഞ്ഞുകയറാനുള്ള കാത്തിരിപ്പിനെക്കുറിച്ച് അദ്ദേഹം വ്യക്തമാക്കിയത്.
കഴിഞ്ഞ വര്‍ഷം നുഴഞ്ഞുകയറ്റം വലിയതോതില്‍ ഉണ്ടായിരുന്നു. ഈ വര്‍ഷം ഇത്തരം ശ്രമങ്ങള്‍ കഴിയുന്നത്ര പരാജയപ്പെടുത്താന്‍ സാധിച്ചതായി ജെ.എസ് സന്ധു പറഞ്ഞു.