കൊച്ചി:ഫോര്‍ട്ട് കൊച്ചിയില്‍ ഹൈബിയെത്തിയപ്പോള്‍ പ്രവര്‍ത്തകര്‍ക്ക് ആവേശം. തോപ്പുംപടിയില്‍ നിന്നും ആരംഭിച്ച സ്ഥാനാര്‍ഥി പര്യടനം ഫോര്‍ട്ടുകൊച്ചിയില്‍ എത്തിയപ്പോള്‍ മറ്റൊരു കാര്‍ണിവലായി. റോഡ്‌ഷോയില്‍ നഗരം വീര്‍പ്പുമുട്ടി. പോസ്റ്റോഫിസ് ജങ്ഷനില്‍ എം.എല്‍.എ ഇബ്രാഹിം കുഞ്ഞാണ് ഹൈബി ഈഡന്റെ പര്യടനം ഉദ്ഘാടനം ചെയ്തത്. എം.പി കെ.വി തോമസിന്റെ അനുഗ്രഹാശിസുകളോടെ ആരംഭിച്ച പര്യടനം ബാന്‍ഡ് മേളത്തിന്റെ അകമ്പടിയോടെ അഞ്ജലി ജങ്ഷന്‍, കൊച്ചു പള്ളിവഴി കോരശേരി കവല, പട്ടേല്‍ മാര്‍ക്കറ്റ്, ബ്രദര്‍സ് ജങ്ഷന്‍, കണ്ണമാലി ബസ് സ്റ്റോപ്പ്, തോപ്പുംപടി ജങ്ഷന്‍ പവിഴം ജങ്ഷന്‍ തുടങ്ങിയ വിവിധ പ്രദേശങ്ങളിലൂടെ സഞ്ചരിച്ചു.
പോളക്കണ്ടം, എഡി പുരം, പരിപ്പ് ജങ്ഷന്‍, മൂലംകുഴി തുടങ്ങിവടങ്ങളില്‍ പ്രവര്‍ത്തകരുടെ സ്വീകരണങ്ങള്‍. സൗദി ജംഗ്ഷന്‍, ബീച്ച് റോഡ് ഫിഷെര്‍മാന്‍ കോളനി രാമേശ്വരം കോളനി എന്നിവിടങ്ങളില്‍ പ്രവര്‍ത്തകര്‍ കനത്ത വെയിലിലും കാത്ത് നിന്നു. ജനത റോഡ് വഴി നസ്രത് ജംഗ്ഷന്‍, പാണ്ടിക്കുടി എന്നിവടങ്ങളില്‍ വീട്ടമ്മമാരുടെ നേതൃത്വത്തില്‍ സ്വീകരണം.
സവിത ഹോസ്പിറ്റല്‍ ജംഗ്ഷന്‍, അബാദ് ജങ്ഷന്‍, കരുവേലിപ്പടി. തൈക്കാവ് പള്ളി ജങ്ഷന്‍ എന്നിവടങ്ങളിലെ സ്വീകരണങ്ങള്‍ ഏറ്റുവാങ്ങി ഒരുമണിയോടെ ചുള്ളിക്കലില്‍ ആദ്യഘട്ട പര്യടനം സമാപിച്ചു. അതിന് ശേഷം ഫോര്‍ട്ടുകൊച്ചിയില്‍ പ്രൊഫെഷണല്‍ കോണ്‍ഗ്രസ് സംഘടിപ്പിച്ച പരിപാടിയിലേക്ക്. ഓള്‍ ഇന്ത്യ പ്രൊഫെഷണല്‍സ് കോണ്‍ഗ്രസ് (എ.ഐ.പി.സി) കേരള സ്റ്റേറ്റ് പ്രസിഡന്റ് മാത്യു കുഴല്‍നാടന്‍, എ.ഐ.സി.സി സെക്രട്ടറി കൃഷ്ണന്‍ ശ്രീനിവാസന്‍ എന്നിവരുടെ നേതൃത്വത്തില്‍ നടന്ന പരിപാടിയില്‍ സംവദിച്ചു. തുടര്‍ന്ന് 'കൈപ്പത്തി ആപ്പിന്റെ' ഉദ്്ഘാടനവും നിര്‍വഹിച്ചു.
ഉച്ചക്ക് ശേഷം ചിത്ത്പറമ്പില്‍ നിന്നു നൂറുകണക്കിന് പ്രവര്‍ത്തകരുടെ റോഡ് ഷോയോടെ തുടങ്ങിയ പര്യടനം ഫോര്‍ട്ട് കൊച്ചിയില്‍ എത്തി. ഹൃദയത്തില്‍ ഹൈബി, വോട്ട് ഫോര്‍ ഹൈബി ഈഡന്‍ തുടങ്ങിയ വാചകങ്ങള്‍ പതിച്ചു ടീ ഷര്‍ട്ട് അണിഞ്ഞു കൊച്ചു കുട്ടികളും, വയോജനങ്ങളും ചെറുപ്പക്കാരും അടങ്ങിയ ഒരുകൂട്ടം പ്രവര്‍ത്തകര്‍.
ഗ്യാലക്‌സി ജംഗ്ഷന്‍, പനയപ്പിള്ളി ജങ്ഷന്‍, ചെമ്പിട്ടപ്പള്ളി ജങ്ഷന്‍, കൊച്ചങ്ങാടി, മരക്കടവ് വഴി, മേപ്പറമ്പ് ജങ്ഷന്‍, കപ്പലണ്ടിമുക്ക് ജങ്ഷന്‍, കൂവപ്പാടം ജങ്ഷന്‍, ഫോര്‍ട്ട്‌കൊച്ചിവെളി, ഡോബി സ്ട്രീറ്റ്, ചെറളായി ജങ്ഷന്‍, എന്നിവടങ്ങളിലൂടെ കടന്നുവന്ന റോഡ്‌ഷോയുടെ ആവേശം സന്ധ്യയോടെ ഇരട്ടിയായി.
കുന്നുംപുറം, ഞാലി പറമ്പ് ജങ്ഷന്‍, ഫോര്‍ട്ട് നഗര്‍, ആസ്പിന്‍വാള്‍, കരിപ്പാലം, കോമ്പാറമുക്ക്, പുതിയറോഡ് ജങ്ഷന്‍, ബാങ്ക് കവല, നെല്ലുകടവ്, ഈരവേലി ജങ്ഷന്‍, മാസ് ജങ്ഷന്‍, മാലിയക്കപറമ്പ് എന്നിവിടങ്ങളില്‍ പര്യടനം പൂര്‍ത്തിയാക്കി ചെറളായികടവ് ജങ്ഷനില്‍ റോഡ് ഷോ സമാപിച്ചു.ഇന്ന് ഹൈബി ഈഡന്റെ പര്യടനം കടവന്ത്ര, നെട്ടൂര്‍ കളമശ്ശേരി മേഖലകളില്‍ നടക്കും.