തിരുവനന്തപുരം: എം.പി വിരേന്ദ്രകുമാറിന്റെ നിര്യാണത്തെ തുടര്‍ന്ന് ഒഴിവുവന്ന രാജ്യസഭാ സീറ്റിലേക്ക് എല്‍.ജെ.ഡിക്ക് സീറ്റ് ലഭിച്ചാല്‍ എംവി ശ്രേയസ് കുമാറിനെ സ്ഥാനാര്‍ഥിയാക്കും.സീറ്റ് സംബന്ധിച്ച് എല്‍ജെഡി സെക്രട്ടറിയേറ്റില്‍ ധാരണയായി. ആഗസ്ത് 24നാണ് തെരഞ്ഞെടുപ്പ്.

നാമനിര്‍ദേശ പത്രിക സമര്‍പ്പിക്കാനുള്ള അവസാന തിയതി ആഗസ്ത് 13 ആണ്. സൂക്ഷ്മ പരിശോധന 14ന് നടക്കും. ആഗസ്ത് 17 ആണ് പത്രിക പിന്‍വലിക്കാനുള്ള അവസാന തീയതി. 24ന് രാവിലെ 9 മുതല്‍ വൈകുന്നേരം 4 വരെയായിരിക്കും തെരഞ്ഞെടുപ്പ്.അഞ്ച് മണിക്ക് വോട്ടെണ്ണും. 2022 ഏപ്രില്‍ രണ്ട് വരെയായിരിക്കും എംപിയുടെ കാലാവധി.

ശ്രേയാംസ് കുമാര്‍ സ്ഥാനാര്‍ഥിയാകുന്നതിനോട് സിപിഎമ്മിനും യോജിപ്പാണെന്നാണ് സൂചന. എന്നാല്‍ എല്‍ഡിഎഫ് യോഗം ചേര്‍ന്നേ സ്ഥാനാര്‍ഥിയെ ഔദ്യോഗികമായി പ്രഖ്യാപിക്കൂ.