വില്യാപ്പള്ളി: നസ്‌റുദ്ധീന്‍ നാമധേയത്തില്‍ ബഹ്‌റൈന്‍ കെ.എം.സി.സി കുറ്റ്യാടി മണ്ഡലം കമ്മിറ്റി നല്‍കുന്ന പ്രഥമ ശഹീദ് നസ്‌റുദ്ദീന്‍ കര്‍മശ്രേഷ്ഠ പുരസ്‌കാരത്തിന് മുസ്‌ലിം ലീഗ് കുറ്റ്യാടി മണ്ഡലം വൈസ് പ്രസിഡന്റും വില്യാപ്പള്ളി മുസ്‌ലിം ജമാഅത്ത് പ്രസിഡന്റും സമസ്ത നേതാവുമായ ആര്‍. യൂസുഫ് ഹാജി വില്യാപ്പള്ളി അര്‍ഹനായി.
ബഹ്‌റൈന്‍ കെ.എം.സി.സി നടത്തിയ നസ്‌റുദ്ദീന്‍ അനുസ്മരണ സമ്മേളനത്തില്‍ വഖ്ഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദ് അലി ശിഹാബ് തങ്ങളാണ് അവാര്‍ഡ് പ്രഖ്യാപിച്ചത്.
ചന്ദ്രിക റീഡേഴ്‌സ് ഫോറം പ്രപര്‍ത്തകനായി കര്‍മവീഥിയില്‍ ഇറങ്ങിയ യൂസുഫ് ഹാജി ഏറെ കാലം ബഹ്‌റൈന്‍ കെ.എം.സി.സിയുടെ ജില്ലാ ഉപാധ്യക്ഷന്‍, ആക്ടിങ് പ്രസിഡന്റ്, പ്രസിഡന്റ് സംസ്ഥാന കമ്മിറ്റി മെംബര്‍ തുടങ്ങിയ പദവികള്‍ വഹിച്ചിട്ടുണ്ട്. 15 വര്‍ഷക്കാലം മുസ്‌ലിം ലീഗിന്റെ വില്യാപ്പള്ളി പഞ്ചായത്ത് പ്രസിഡന്റായിരുന്നു.
20 വര്‍ഷത്തോളമായി വില്യാപ്പള്ളി മുസ്‌ലിം ജമാഅത്ത് പ്രസിഡന്റാണ്. 10001 രൂപയും പ്രശസ്തി പത്രവുമാണ് അവാര്‍ഡ്.