അമ്പലപ്പുഴ: സംസ്ഥാന ജീവനക്കാര്‍ക്കും അധ്യാപകര്‍ക്കും ഓണം പ്രമാണിച്ച് ഫെസ്റ്റിവല്‍ അലവന്‍സ് അയ്യായിരം രൂപയാക്കി വര്‍ദ്ധിപ്പിച്ചു നല്‍കണമെന്ന് എംപ്ലോയീസ് ആന്റ് ടീച്ചേഴ്‌സ് ആലപ്പുഴ ജില്ല നേതൃയോഗം സര്‍ക്കാരിനോട് ആവശ്യപ്പെട്ടു. സംഘടനയുടെ അംഗത്വ കാമ്പയില്‍ പ്രവര്‍ത്തന ഉദ്ഘാടനം 22ന് ആലപ്പുഴയില്‍ നടത്താനും യോഗം തീരുമാനിച്ചു. സംസ്ഥാന സെക്രട്ടറി സെ ബി സാധുജന്‍ യോഗം ഉദ്ഘാടനം ചെയ്തു. കെ രംഗനാഥ് അധ്യക്ഷനായിരുന്നു. സോമശേഖരന്‍പിളള, കെ ആര്‍ രാജേഷ്, മുഹമ്മദ് ഇക്ബാല്‍, എന്‍ റാം എന്നിവര്‍ പ്രസംഗിച്ചു.